| e-texts navigator |
| Wylie |
328a1 འཁོར་ལ་བཀའ་སྩལ་པ།། མ་རིག་ཀ་ནས་དག་ལུགས་ནི།། སྔོན་ནས་འཐིབས་པའི་མ་རིག་མུན་པ་ལ།། ཡེ་ཤེས་སྣང་གསལ་ཉི་མ་ཤར་བ་ཡིས།། མ་རིག་མུན་པའི་སྨག་རུམ་ཀ་ནས་དག། བསྐལ་པ
328a2 སྟོང་དུ་བསགས་པའི་གཏི་མུག་དང་།། རང་བྱུང་འོད་གསལ་ཆེན་པོའི་ཉི་མ་ཤར།། མ་རིག་མུན་པའི་སྒྲིབ་གཡོགས་ཀ་ནས་དག། ཅེས་གསུངས་སོ།། མ་རིག་པའི་སྨག་རུམ་ཀ་ནས་དག་པར་བསྟན་པའི་ལེའུ་བཅུ
328a3 བདུན་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། ང་བདག་དུག་གསུམ་ཇི་ལྟར་བསད།། ཅེས་ཞུས་པས། སྟོན་པས་འཁོར་ལ་བཀའ་སྩལ་པ།། ང་བདག་དུག
328a4 གསུམ་བསད་ལུགས་ནི།། ཟབ་པར་བཤད་ཀྱིས་འཁོར་རྣམས་ཉོན།། རང་བྱུང་ཡེ་ཤེས་གཤེད་མ་ཡིས།། འགོང་པོ་ང་བདག་དོན་སྙིང་ཕྱུང་།། རང་བྱུང་ཡེ་ཤེས་ཆེན་པོར་གནས།། སྐུ་གསུམ་དཔའ་བོ་ཆེན་པོ
328a5 ཡིས།། ཉོན་མོངས་དུག་གསུམ་སྙིང་བཏོན་ནས།། སྐྲ་གསུམ་རྒྱལ་བའི་ཕོ་བྲང་གདབ།། གཏི་མུག་བསད་པས་ཆོས་སྐུ་མཐོང་།། ཞེ་སྡང་བསད་པས་ལོངས་སྐྲ་མཐོང་།། འདོད་ཆགས་བསད་པས་སྦྲུལ་སྐུ
328a6 མཐོང་།། དུག་གསུམ་བསད་པའི་སྐུ་གསུམ་མཐོང་།། ཞེས་གསུངས་སོ།། ང་བདག་དུག་གསུམ་བསད་པའི་ལེའུ་སྟེ་བཅོ་བརྒྱད་པའོ།། །། དེ་ནས་རང་སྣང་ཁྱེའུ་ཆུང་གིས། མུ་མཐའ་ཡོངས་གྲོལ་སྟོན་པ
iiif viewer powered by OpenSeadragon
