| e-texts navigator |
| Wylie |
327b1 དབྱེར་མེད་གྲོལ།། ཕྲག་དོག་མ་སྤངས་བདེ་ཆེན་གྲོལ།། ཞེས་གསུངས་སོ།། དུག་ལྔ་མ་སྤངས་རང་གྲོལ་བར་བསྟན་པའི་ལེའུ་སྟེ་བཅོ་ལྔ་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ
327b2 སྟོན་པ་ལ།། དུག་ལྔ་གཏན་བརླག་ཇི་ལྟར་བགྱི།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་བ།། དུག་ལྔ་གཏན་ནས་བརླག་ལུགས་ནི།། ཟབ་པར་བཤད་ཀྱིས་གུས་པར་ཉོན། སྐྱེ་མེད་ཀ་དག་རྟོགས་པ
327b3 ཡིས།། གཏི་མུག་མ་རིག་གཏན་ནས་བརླག། འོད་གསལ་ཀ་དག་ཆོས་ཉིད་མཐོང་།། རང་སྣང་རང་བཞིན་སངས་རྒྱས་པས།། ཞེ་སྡང་ངོ་བོ་གཏན་ནས་བརླག། ཆོས་ཉིད་གསལ་གདངས་ཆེན་པོར་གནས།། ཆགས
327b4 མེད་འདོད་ཆགས་རང་གྲོལ་བས།། འདོད་ཆགས་ཞེན་པ་གཏན་ནས་བརླག། བདེ་ཆེན་གསང་བའི་ཀློང་ན་གནས།། ང་རྒྱལ་རང་བཞིན་རྣམ་དག་པའི།། ཆེ་བའི་འཛིན་པ་གཏན་ནས་བརླག། མཉམ་ཉིད་ཡེ་ཤེས
327b5 ཆེན་པོར་གནས།། མུ་མཐའ་ཡོངས་གྲོལ་གདམས་ངག་གིས།། ཕྲག་དོག་འཛིན་པ་གཏན་ནས་བརླག། གཉིས་འཛིན་གཏན་སངས་དོན་རྣམས་གྲུབ།། དུག་ལྔ་གཏན་བརླག་མིང་ཡང་མེད།། ཅེས་གསུངས་སོ།། ཉོན
327b6 མོངས་དུག་ལྔ་གཏན་ནས་བརླག་པར་བསྟན་པའི་ལེའུ་བཅུ་དྲུག་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། མ་རིག་ཀ་ནས་ཇི་ལྟར་དག། ཅེས་ཞུས་པ་དང་། སྟོན་པས
iiif viewer powered by OpenSeadragon
