| e-texts navigator |
| Wylie |
326b1 སྲིན་པོ་ཛྭ་ལ་རཀྵ་དང་། ཡུམ་བདུད་སྲིན་ནག་མོ་ཀུན་གྲོལ་མ་གཉིས། ཡབ་ཡུམ་གཉིས་སུ་མེད་པར་སྦྱོར་བའི་བྱིན་རླབས་ལས། སྦྱོར་མཚམས་ནས་བསྐལ་པའི་འཐོར་རླུང་ཆེན་པོ་བྱུང་ནས་སྣང་སྲིད་དངོས་པོ་རྟོག
326b2 ཚོགས་ཐམས་ཅད་རླུང་ལ་བསྐུར་ཏེ། རྣམ་རྟོག་ཉོན་མོངས་ཀྱི་རྩི་སྤུར་ཐམས་ཅད་གཅིག་ཀྱང་མ་ལུས་པ་ཁྱེར་ནས། དེར་སྣང་སྲིད་ཀྱི་དངོས་པོ་བློས་བརྟགས་འདུས་བྱས་ཀྱི་ཆོས་རྣམས་གཏན་མེད་པར་གྱུར་ཏེ། ནམ
326b3 མཁའ་སྟོང་པ་མཐའ་དང་དབུས་མེད་ཕྱོགས་དང་རིས་མེད་པར་སྟོང་སངས་ཀྱིས་ཐལ་ལོ།། རྟེན་མེད་ནམ་མཁའ་ལ་གནས་པའི་བརྡའ་ཆོས་ཡིན་གསུངས་སོ།། ཉི་ཟླའི་སྙིང་པོ་འོད་འབར་བའི་བདུད་རྩིའི་རྒྱ་མཚོ
326b4 འཁྱིལ་བའི་རྒྱུད་ལས། འོག་ཀླུའི་འཇིག་རྟེན་དུ་བརྡའ་ཆོས་བསྟན་པའི་ལེའུ་སྟེ་བཅུ་གསུམ་པའོ།། །། དེ་ནས་རང་སྣང་འོད་གསལ་གྱིས།། མུ་མཐའ་ཡོངས་གྲོལ་སྟོན་པ་ལ།། གནད་ཀྱི་དགོས་དོན་གང་དུ
326b5 འདུས།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། གནད་ཀྱི་དགོས་དོན་འདུ་ལུགས་ནི།། ཐོག་མཐའ་གཉིས་ཀྱི་གནད་དུ་འདུས།། སྔོན་ཐོག་ཡེ་ཡི་གནད་བསྟན་པ།། ཡེ་མེད་གཏིང་ཡངས་སྐྱེ་མེད
326b6 དབྱིངས།། རྒྱུ་རྐྱེན་སྐྱེ་འགག་མེད་པ་ནི།། ཐོག་མའི་གནད་དུ་ཤེས་པར་བྱ།། རྩལ་ཟེར་རིག་པ་གཡོ་འགྱུ་ནི།། ཐ་མའི་གནད་དུ་ཤེས་པ་བྱ།། དགོས་དོན་ཐོག་མཐའ་གཉིས་མེད་གནད།། འཁྲུལ་གནད་གཞི་ལ
iiif viewer powered by OpenSeadragon
