| e-texts navigator |
| Wylie |
326a1 དག་ཐམས་ཅད་བསྐལ་པའི་འཐོར་རླུང་ལ་བསྐུར་བས། སྣང་སྲིད་སྣང་བརྟགས་གཟུང་འཛིན་ཆགས་སྡང་གཅིག་ཀྱང་མ་ལུས་པ་རླུང་པོས་ཁྱེར་ནས་སྟོང་སངས་ཀྱིས་ཐལ་ལོ།། དེར་བར་སྣང་གསལ
326a2 བའི་ཁྲི་སྟེང་ན། སྣང་གསལ་འོད་ཀྱི་དཀྱིལ་འཁོར་ནས་གསལ་བའི་ཟླ་བ་ཤར་བས། གཏི་མུག་བག་ཆགས་སྒྲིབ་གཡོག་ཀྱི་མུན་པའི་སྨག་རུམ་ཐམས་ཅད་དུས་གཅིག་ཏུ་སངས་ནས། དེ་ནས་རིན་པོ་ཆེ་གསལ་བའི
326a3 འོད་ལྔ་ཤར་ཏེ། འོད་དེའི་རང་བཞིན་གསལ་བ་ལ། སྣང་བ་དང་དངས་ཏེ་རང་བཞིན་མེད་པར་འོད་སྙིང་པོ་ལ་ཐིམ་མོ།། དེར་སྐལ་པ་དང་ལྡན་པ་རྣམས་ཀྱིས་གསང་སྔགས་བརྡའི་གནད་གོ་སྟེ། རྟོགས་ནས་སངས
326a4 རྒྱས་པས་སྐྱེ་ཤི་མེད་པར་འཁོར་བར་འཁྱམས་མི་སྲིད་དེ་རྡོ་རྗེ་ལྟ་བུའི་སྐུར་གྱུར་ཏོ།། དེ་ལྟར་སྐལ་ལྡན་གང་གིས་རྟོགས་ཀྱང་འགྲོ་དྲུག་སེམས་ཅན་གྱི་སྡུག་བསྔལ་གཅིག་ཀྱང་མི་མངའ་འོ། སརྦ་དྷརྨ་དྷཱ་ཏུ་ཨ་ཨ།
326a5 དབྱིངས་སྐྱེ་བ་མེད་པར་ཐིམ་མོ།། རྒྱུད་ཐམས་ཅད་ཀྱི་རྒྱལ་པོ་ཉི་ཟླའི་སྙིང་པོ་འོད་འབར་བ་བདུད་རྩིའི་རྒྱ་མཚོ་མཁྱིལ་པའི་རྒྱུད་ལས། བར་མིའི་འཇིག་རྟེན་དུ་གསང་སྔགས་བརྡའ་བསྟན་པའི་ལེའུ་སྟེ་བཅུ་གཉིས
326a6 པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ། འོག་ཀླུའི་ཡུལ་དུ་བརྡའ་ཆོས་གསུང་དུ་གསོལ།། ཞེས་ཞུས་པས། བྷ་ར་ཏྲི་ཏྲ་མ་གྷ་ར་ཨ། ས་རིམ་པ་བཅུ་གསུམ་གྱི་འོག་ན། ཡབ
iiif viewer powered by OpenSeadragon
