| e-texts navigator |
| Wylie |
325b1 འགྲོ་དྲུག་ཏུ་མི་འཁོར་ཏེ། སྐྱེ་ཤི་རྩད་ནས་གཅོད་པའི་བརྡའོ།། ནམ་མཁའི་དབྱིངས་ནས་ཉི་ཟླ་ཤར།། གཏི་མུག་མ་རིག་མུན་པ་སངས།། ཞེས་གསུངས་སོ།། ཉི་ཟླའི་སྙིང་པོ་འོད་འབར་བ་བདུད་རྩིའི་རྒྱ་མཚོ་འཁྱིལ
325b2 པའི་རྒྱུད་ལས། སྟེང་ལྷའི་འཇིག་རྟེན་དུ་གསང་སྔགས་བརྡའ་ཆོས་སུ་གསུངས་པའི་ལེའུ་སྟེ་བཅུ་གཅིག་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། བར་དུ་བརྡའ་ཆོས
325b3 གསུང་དུ་གསོལ།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། བར་མིའི་འཇིག་རྟེན་ཁམས་སུ་མ་ཧཱ་གུ་རུ་པ་དང་། ཡེ་ཤེས་ཀྱི་མཁའ་འགྲོ་མས་ཆོས་གསུངས་པ། མ་ཧཱ་བློ་ཨ་ཨ། གནམ་ས་གའུ་ཁ་སྦྱོར
325b4 བར་སྣང་སྣང་གསལ་འོད་གསལ་གྱི་དཀྱིལ་འཁོར་གསང་བའི་གཞལ་ཡས་ཁང་ཞེས་བྱ་བར། ཡབ་ཁྱེའུ་དང་དངས་ཀུན་རིག་འཕྲུལ་རྗེ་བཙན་བྱ་བ་དང་། ཡུམ་མཛེས་མ་ལྷན་ནེ་ལྕམ་གསལ་བའི་འབར་ཞེས་བྱ་བ
325b5 སྟེ།། ཡབ་ཡུམ་གཉིས་ཀྱིས་གཉིས་སུ་མེད་པར་སྦྱར་བའི་བྱིན་རླབས་ལས་པར་སྣང་སྟོང་ཁམས་གསལ་བའི་འཇིག་རྟེན་གྱི་ཁམས་ཐམས་ཅད་དུ་བསྐལ་པའི་མེ་བོ་ཆེ་འབར་ཏེ། སྣང་སྲིད་དངོས་པོ་བློས་བརྟགས
325b6 ཀྱི་ཆོས་ཐམས་ཅད་གཞོབ་ཏུ་བསྲེགས་ཏེ། ཉོན་མོངས་པ་ཐམས་ཅད་ས་བོན་མེད་པར་བརླགས་ནས། ཐལ་བ་ནི་གཟུགས་བསྡུས་དངོས་པོའི་ཆོས་ནས་རྒྱུ་ཆོས་བློས་བརྟགས་བྱ་བཙལ་མཐའ་ལ་ཞེན་པ་རྣམས་ཏེ། དེ
iiif viewer powered by OpenSeadragon
