| e-texts navigator |
| Wylie |
325a1 མཐོང་།། མཐོང་བའི་དུས་ན་ངོས་བཟུང་མེད།། ཅེས་གསུངས་སོ།། ཉི་ཟླའི་སྙིང་པོ་བདུད་རྩིའི་རྒྱ་མཚོ་འཁྱིལ་པའི་རྒྱུད་ལས། ཐེག་པའི་གྲུབ་མཐའ་མ་བསྒྲུབས་པར་ལྟ་སྒོམ་མཐོང་བར་བསྟན་པའི
325a2 ལེའུ་སྟེ་བཅུ་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། གསང་སྔགས་བརྡའ་ཡིས་ཇི་ལྟར་བསྟན།། ཞེས་ཞུས་པ་དང་།། སྟོན་པས་འཁོར་ལ་བཀའ་སྩལ་པ།། མ་ཧཱ་དྷ
325a3 ཏི་ས་ཡ་ཨས་བྷོ་ཡ་དྷཱི་ཏྲ་ཡ། གསང་སྔགས་གནད་རྣམས་བརྡའ་ཡིས་བཤད།། འཁོར་རྣམས་མ་ཡེངས་ཡིད་ལ་ཟུང་།། གུ་རུ་བཛྲ་སཏྭ་ཤྲཱི་མཉྫ། ཏ་ཐཱ་ག་ཏ། བྷུདྡྷ་སརྦ་ན་མ། བུདྡྷ་ཡ། དྷརྨ་ཀཱ་ཡ། རཏྣ་ཀོ་ལ་ཏ་བྷ་ལི།
325a4 ཨས་བྷོ་ཡ། སུརྱ་མ་ཧཱ་ལ་ཨས། ཞེས་བྱ་སྟེ། ཆོས་ཀྱི་དབྱིངས་ཀྱི་མཁའ་འགྲོ་མས་བརྡའ་ཆོས་གསུངས་པ། གནམ་རིམ་པ་བཅུ་གསུམ་གྱི་སྟེང་ན། ཡབ་ཁྲི་རྗེ་གཙུག་བརྟན་བྱ་བ་དང་། ཡུམ་སྣང་སྲིད་ཀྱི་བདག
325a5 མོ་སྟོང་གསལ་ཀུན་སྒྲོལ་མ་བྱ་བ་གཉིས་ཀྱིས། ཡུལ་མཁའ་ཀློང་ཀུན་འབྱུང་ཡངས་པ་ཅན་གྱི་ཕོ་བྲང་ཞེས་བྱ་བར། ཐབས་དང་ཤེས་རབ་གཉིས་སུ་མེད་པའི་སྦྱོར་བ་བྱས་པས། གཉིས་སུ་མེད་པའི་བྱིན་རླབས་ལས
325a6 བདུད་རྩི་དཀར་དམར་གྱི་ཆར་ནམ་མཁའ་ལ་བབས་པས་སེམས་ཅན་རྣམས་ཀྱིས་འཐུངས་པས་མགྲིན་པའི་ལམ་དུ་བརྒྱུད་དེ་ཐུགས་རྗེ་དབྱིངས་སུ་ཐིམ། སེམས་ཅན་ཐམས་ཅད་སྐྱེ་ཤི་མེད་པའི་དངོས་གྲུབ་ཐོབ་སྟེ།
iiif viewer powered by OpenSeadragon
