| e-texts navigator |
| Wylie |
324b1 གྲོལ་བའི་འབྲས་བུ་བསྟན་པའི་ལེའུ་སྟེ་བརྒྱད་པའོ།། །། དེ་ནས་དང་དངས་རང་གྲོལ་གྱིས།། མུ་མཐའ་ཡོངས་གྲོལ་སྟོན་པ་ལ།། ཡོངས་རྫོགས་བླ་མེད་ཐེག་པ་འདིར།། ཐེག་པ་རིམ་དགུ་དགོས་མི
324b2 དགོས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། ཡོངས་རྫོགས་ཐོད་རྒལ་ཐེག་པ་རུ།། ཐེག་པ་མ་ལུས་ཀུན་འདུས་པས།། ཐེག་དགུའི་ལྟ་བ་མི་དགོས་སོ།། ཉན་ཐོས་རང་རྒྱལ་བྱང་སེམས་དང་།། ཀྲི
324b3 ཡ་ཨུ་པ་ཡོ་ག་དང་།། དེ་དག་བློས་བརྟགས་བྱས་ཆོས་ཡིན།། མ་ཧཱ་ཨ་ནུ་ཨ་ཏི་གསུམ།། དེ་གསུམ་ལྟ་བ་གཉིས་སུ་བཟུང་།། གཞི་ལ་ཐོས་པ་ཁ་འབྱམས་པས།། བློས་བརྟགས་ཐེག་དགུས་དགོས་པ་མེད།། ཅེས
324b4 གསུངས་སོ།། ཉི་ཟླའི་སྙིང་པོ་བདུད་རྩིའི་རྒྱ་མཚོ་འཁྱིལ་པའི་རྒྱུད་ལས། ཐེག་པ་རིམ་དགུ་མི་དགོས་པར་བསྟན་པའི་ལེའུ་སྟེ་དགུ་པའོ།། །། དེ་ནས་རང་སྣང་འོད་གསལ་གྱིས།། ཐེག་པའི་གྲུབ་མཐའ་མ
324b5 བསྒྲུབས་པར།། མཐའ་གྲོལ་ལྟ་སྒོམ་ཇི་ལྟར་མཐོང་།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། ཡོངས་རྫོགས་བླ་མེད་ཐེག་པ་ཡི།། ཐེག་གཞན་གྲུབ་མཐའ་མ་བསྒྲུབས་པར།། མཐའ་གྲོལ་བལྟ་བསྒོམ
324b6 མཐོང་བར་འགྱུར།། ཐེག་པའི་གྲུབ་མཐའ་ཐ་སྙད་ཡིན།། ཐ་སྙད་ཆོས་ཀྱིས་སངས་མི་རྒྱས།། དེར་ནི་གྲུབ་མཐའི་དགོས་པ་མེད།། བློས་བརྟགས་ཆོས་རྣམས་ཡོངས་གྲོལ་བས།། མཐའ་གྲོལ་བལྟ་བསྒོམ་ཆེན་པོ
iiif viewer powered by OpenSeadragon
