| e-texts navigator |
| Wylie |
324a1 གཅོད་དེ།། སྐུ་གསུང་ཐུགས་ཀྱི་བདུད་རྩིས་བཅོམ།། གསང་བ་སྐྱེ་མེད་ཀ་དག་གི། བདུད་རྩི་ཆེན་པོ་བསྟན་པ་ནི།། ཆོས་ཉིད་གཏིང་མཐའ་ཡངས་པ་དང་།། ཆོས་ཅན་རིག་པ་མུ་མཐའ་གྲོལ།། སྙིང་པོ
324a2 སྐྱེ་བ་མེད་པ་དང་། ཡན་ལག་མ་འགགས་ཀ་ནས་དག། དངོས་མེད་རྣལ་མར་གནས་པ་དང་།། སྙིང་པོ་ལྷུན་གྲུབ་འཕོ་འགྱུར་མེད།། གསང་བ་བློ་ཡི་སྤྱོད་ཡུལ་མིན།། སྐྱེ་མེད་ཀ་དག་བདུད་རྩིའོ།། བདུད་རྩི་རྣམ
324a3 གསུམ་གདམས་ངག་འདིས།། རྣམ་པ་གསུམ་གྲོལ་སྐུ་གསུང་ཐུགས།། ཞེས་གསུངས་སོ།། ཉི་ཟླའི་སྙིང་པོ་འོད་འབར་བ་བདུད་རྩིའི་རྒྱ་མཚོ་འཁྱིལ་བའི་རྒྱུད་ལས། གྲོལ་ཐབས་ཀྱི་གདམས་ངག་བསྟན་པའི་ལེའུ་སྟེ
324a4 བདུན་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་སུ་གྲོལ་བ་ལ།། གྲོལ་བའི་འབྲས་བུ་ཇི་ལྟར་ཐོབ།། ཅེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། གྲོལ་བའི་འབྲས་བུ་ཐོབ་ལུགས
324a5 ལས།། སྣང་བ་གྲོལ་བའི་འབྲས་བུ་ནི།། གསལ་དག་ཟང་ཐལ་ཆོས་ཀྱི་དབྱིངས།། རིག་པ་གྲོལ་བའི་འབྲས་བུ་ནི།། སྐྱེ་མེད་ཀ་དག་ཆེན་པོ་ཐོབ།། སེམས་གཞི་གྲོལ་བའི་འབྲས་བུ་ནི།། དངོས་མེད་གཏིང་ཡང་ས་ཆེན
324a6 པོ་ཐོབ།། ཕྱི་དང་ནང་དང་གསང་བ་གསུམ།། སྣང་བ་རིག་པ་སེམས་གཞི་གསུམ།། སྣང་གྲོལ་རིག་མེད་སྐྱེ་མེད་གྲོལ།། ཞེས་གསུངས་སོ།། ཉི་ཟླའི་སྙིང་པོ་འོད་འབར་བ་བདུད་རྩིའི་རྒྱ་མཚོ་འཁྱིལ་པའི་རྒྱུད་ལས།།
iiif viewer powered by OpenSeadragon
