| e-texts navigator |
| Wylie |
323b1 མ་བསྒྲུབས་རང་གྲོལ་གྱུར།། སྤང་ལེན་མེད་པའི་སྣང་བ་རང་སོ་ལ།། མི་ལེན་མི་འདོར་མཉམ་པར་གནས་པ་ཡིས།། ཆོས་ཅན་སྣང་སྲིད་སྣ་ཚོགས་རང་གྲོལ་གྱུར།། ཆོས་ཉིད་གཏིང་མཐའ་ཡངས་པ་ཆེན་པོ
323b2 ལ།། རིག་པ་གཅིག་པུ་མུ་མཐའ་ཡོངས་གྲོལ་བས།། ཆོས་ཅན་སྣང་སྲིད་སྣ་ཚོགས་མུ་མཐའ་གྲོལ།། ཞེས་གསུངས་སོ།། རྒྱུད་ཐམས་ཅད་ཀྱི་རྒྱལ་པོ་ཉི་ཟླའི་སྙིང་པོ་འོད་འབར་བ་བདུད་རྩིའི་རྒྱ་མཚོ་འཁྱིལ་པའི་རྒྱུད
323b3 ལས། ཆོས་ཅན་སྣ་ཚོགས་མུ་མཐའ་གྲོལ་བར་བསྟན་པའི་ལེའུ་སྟེ་དྲུག་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ།། དེ་ཉིད་འགྲོ་ལ་ཐབས་གདམས་ངག་གང་། ཞེས་ཞུས་པ་དང་།།
323b4 སྟོན་པས་འཁོར་ལ་བཀའ་སྩལ་པ།། དེ་ཉིད་འགྲོ་ལ་ཐབས་ངས་བཤད་ཀྱིས།། འཁོར་རྣམས་མ་ཡེངས་གུས་པར་ཉོན།། གདམས་ངག་བདུད་རྩི་རྣམ་པ་གསུམ།། ཕྱི་རུ་སྣང་སྲིད་རང་གྲོལ་བདུད་རྩི་དང་།། ནང་དུ
323b5 དུག་གསུམ་འཇོམས་པའི་བདུད་རྩི་དང་།། གསང་བ་སྐྱེ་མེད་ཀ་དག་གོ། དེ་ལ་ཕྱི་ཡི་བདུད་རྩི་ནི།། སྣང་བ་སྣ་ཚོགས་རང་སོ་ལ།། གཟུང་འཛིན་དགག་བསྒྲུབ་མེད་པར་གྲོལ།། ནང་གི་བདུད་རྩི་བསྟན་པ་ནི།། དུག
323b6 གསུམ་སྐུ་གསུང་ཐུགས་སུ་བཅོམ།། དེ་ཡང་ཇི་ལྟར་བཅོམ་ཞེ་ན།། གཏི་མུག་ཆོས་སྐུས་བདུད་དངོས་བཅོམ།། ཞེ་སྡང་དུག་ནི་ལོངས་སྐུས་བཅོམ།། འདོད་ཆགས་དུག་ནི་སྦྲུལ་སྐུས་བཅོམ།། དེར་ནི་དུག་གསུམ་ནད
iiif viewer powered by OpenSeadragon
