| e-texts navigator |
| Wylie |
323a1 གསལ་གྱིས།། མུ་མཐའ་ཡོངས་གྲོལ་སྟོན་པ་ལ།། ཆོས་ཅན་སྣ་ཚོག་མུ་མཐའ་ཇི་ལྟར་གྲོལ།། སྟོན་པས་རང་སྣང་འཁོར་ལ་བཀའ་སྩལ་པ།། ཆོས་ཅན་སྣ་ཚོགས་མི་མཐའ་གྲོལ་ལུགས་ནི།། ཡོངས
323a2 རྫོགས་ཐོད་རྒལ་བླ་མེད་ཐེག་པ་འདིར།། རྩོལ་བསྒྲུབ་མ་བྱས་གྲོལ་བར་བཤད།། བྱ་བཙལ་རྩོལ་བསྒྲུབ་འཁོར་བའི་འདམ་དུ་ཆུད།། དེ་བས་བྱར་མེད་བློ་འདས་འདི།། ཅི་ཡང་མ་བྱས་ལས་རྣམས་ཟིན།། གང་ཡང་མ
323a3 བསྒྲུབ་དོན་རྣམས་གྲུབ།། ཅི་ལའང་མ་སྤྱད་གྲོལ་བ་ཐོབ།། གར་ཡང་མ་ཞུགས་ཆོས་སྒོ་མཐོང་།། ཅི་ཡང་བསྲུང་མེད་དོན་མི་འདའ།། སྒྲིབ་པ་མ་སྦྱངས་ཀ་ནས་དག། དམ་ཚིག་མ་བསྲུངས་རང་སྐྱོན་ཀ་ནས་དག། ལྟ
323a4 བ་མ་བལྟས་ཆོས་ཉིད་མཐོང་།། སྒོམ་པ་མ་བསྒོམས་སྙིང་པོའི་ཀློང་།། སྤྱོད་པ་མ་སྤྱད་ཆགས་སྡང་གྲོལ།། འབྲས་བུ་མ་བསྒྲུབས་རང་ལས་གྲུབ།། གང་ཡང་མ་བརྟགས་བློ་བཞག་པས།། མཚན་མ་སྣ་ཚོགས་རང་གྲོལ
323a5 གྱུར།། རྩོལ་བ་མེད་པར་རང་གནས་པས།། ཆོས་ཅན་སྣ་ཚོགས་རང་གྲོལ་གྱུར།། ཡིད་རིག་སེམས་བློ་དྲན་རྟོག་གིས།། གང་ལའང་རྟོག་དཔྱོད་མ་བཅུག་པས།། ཆོས་ཅན་སྣ་ཚོགས་རང་གྲོལ་གྱུར།། སྒོ་ལྔ་གསལ
323a6 དངས་ཆོས་དབྱིངས་ལ།། ཡིད་སེམས་འཛིན་རྟོག་མ་སྐྱེས་ན།། ཆོས་ཅན་སྣ་ཚོགས་རང་གྲོལ་གྱུར།། སྣང་བ་རང་སྣང་ཆེན་པོ་ལ།། འཛིན་རྟོག་མ་བཅུག་རང་གྲོལ་གྱུར།། སྣང་སྲིད་སྣ་ཚོགས་ཇི་སྙེད་ལ།། མ་བཀག།
iiif viewer powered by OpenSeadragon
