| e-texts navigator |
| Wylie |
322b1 བཞིན་ཡང་།། གང་ན་གནས་ཀྱང་འོད་དང་ལྡན།། ཉི་ཟླ་གར་ཡོད་འོད་གསལ་ཞིང་།། སྙིང་པོས་གར་ཁྱབ་རྩལ་ཟེར་འཆར།། དེ་ཡང་ཇི་ལྟར་འཆར་ཞེ་ན།། གཞི་མེད་ངང་ལས་ཀུན་གཞི་ཤར།། དངོས་མེད་ངང་ལས
322b2 དངོས་ཀུན་ཤར།། སྣང་མེད་ངང་ལས་སྣ་ཚོགས་ཤར།། ཡོད་མེད་ངང་ལས་འཁོར་འདས་ཤར།། གཉིས་མེད་དང་ལས་མ་རིག་ཡེ་ཤེས་ཤར།། ཅིར་ཡང་གྲུབ་པ་མེད་པའི་ངང་ཉིད་ལས།། རང་བཞིན་ངོ་བོ་ཐུགས་རྗེ
322b3 གསུམ་དུ་ཤར།། རིག་དང་མ་རིག་རྣམ་གཉིས་ལས།། དེ་ལས་སྐུ་གསུམ་དུག་གསུམ་གཉིས་སུ་ཤར།། དེ་ལས་ཞིང་ཁམས་རྣམ་གསུམ་ཡིད་འཁོར་གསུམ་དུ་ཤར།། དེ་ལས་རང་སར་གྲོལ་དང་མ་གྲོལ་ལས།། འཆར
322b4 སྒོ་འཁྲུལ་སྒོ་གཉིས་སུ་ཤར་བ་སྟེ།། དེ་ལས་འགྱུ་དང་མི་འགྱུ་ལས།། རིག་མེད་སེམས་འཁྲུལ་འཁྲུལ་མེད་ཤར།། དེ་ལས་རྟོགས་དང་མ་རྟོགས་པས།། གཟུགས་ལྔ་སྐུ་ལྔ་ཉིད་དུ་ཤར།། དེ་ལས་མངོན་དུ་གྱུར་དང་མ
322b5 གྱུར་པས།། འཁོར་བ་མྱང་འདས་གཉིས་སུ་ཤར།། ཅི་ཡང་མེད་ལས་ཅིར་ཡང་ཤར་བ་ཡིན།། རྟོགས་མ་རྟོགས་ལས་སངས་རྒྱས་སེམས་ཅན་གཉིས།། གཏིང་ཡངས་ཆོས་ཉིད་ང་ཡི་རྩལ་དུ་ཤར།། ཞེས་གསུངས
322b6 སོ།། རྒྱུད་ཐམས་ཅད་ཀྱི་རྒྱལ་པོ་ཉི་ཟླའི་སྙིང་པོ་འོད་འབར་བ་བདུད་རྩིའི་རྒྱུ་མཚོ་འཁྱིལ་བའི་རྒྱུད་ལས། འོད་གསལ་རྩལ་གྱི་ཡན་ལག་འཆར་ལུགས་བསྟན་པའི་ལེའུ་སྟེ་ལྔ་པའོ།། །། དེ་ནས་རང་སྣང་འོད
iiif viewer powered by OpenSeadragon
