| e-texts navigator |
| Wylie |
322a1 དག་ཡིད་དབྱེར་མེད།། ཡེ་ནས་ཆོས་ཉིད་རྣལ་མའོ།། འབྲས་བུ་ཡེ་གྲུབ་དངོས་གཞི་མེད།། རང་བཞིན་ཅང་མེད་ངོ་བོ་གསལ།། ཐུགས་རྗེ་རང་དངས་ཆེན་པོ་ཡིན།། ཡོན་ཏན་མ་བསྒྲུབས་རང་ལས
322a2 འཁྲུངས། ཕྲིན་ལས་ཐོགས་མེད་རང་སར་གྲོལ།། ཆོས་ཉིད་གཏིང་མཐའ་ཡངས་པ་ཡིན།། སྙིང་པོ་མ་བཅོས་གཤིས་སུ་གནས།། དངོས་མེད་ཟང་ཀ་རང་འཁྲུངས་ཡིན།། རིག་མེད་ཡིད་མེད་སེམས་ལས་འདས
322a3 པའོ།། ཆོས་ཉིད་གྲུབ་པའི་མཐའ་ལས་གྲོལ།། བསམ་བརྗོད་དམིགས་བློའི་ཡུལ་ལས་འདས།། ཞེས་གསུངས་སོ།། རྒྱུད་ཐམས་ཅད་ཀྱི་རྒྱལ་པོ་ཉི་ཟླའི་སྙིང་པོ་འོད་འབར་བ་བདུད་རྩིའི་རྒྱ་མཚོ་འཁྱིལ་པའི་རྒྱུད་ལས།།
322a4 གཏིང་ཡངས་ཆོས་ཉིད་དོན་གྱི་གནས་ལུགས་བསྟན་པའི་ལེའུ་སྟེ་བཞི་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡངས་གྲོལ་སྟོན་པ་ལ། འོད་གསལ་རྩལ་ཀྱི་ཡན་ལག་རྣམས།། ཆོས་ཉིད་དང
322a5 ལས་ཇི་ལྟར་ཤར།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། འོད་གསལ་རྩལ་གྱི་འཆར་ལུགས་ནི།། དཔེ་དང་དོན་དུ་སྦྱར་ལ་བཤད།། འཁོར་རྣམས་མ་ཡེངས་གུས་པར་ཉོན།། དཔེར་ན་ཉི་མའི་སྙིང
322a6 པོ་ལ།། རྩལ་ཟེར་ཡན་ལག་ཤུགས་ལས་ཤར།། དེ་བཞིན་སྙིང་པོའི་གནས་ལུགས་ལས།། རིག་སྣང་རྩལ་ཟེར་ཤུགས་ལ་འཆར།། ཙནྡན་གླ་རྩི་སྒོག་པ་ལ།། གང་ན་གནས་ཀྱང་དྲི་དང་ལྡན།། དེ་བཞིན་ཆོས་ཉིད་རང
iiif viewer powered by OpenSeadragon
