| e-texts navigator |
| Wylie |
321a1 བའི་ལེའུ་སྟེ་གསུམ་པའོ།། །། དེ་ནས་རང་སྣང་ཁྱེའུ་ཆུང་གིས།། མུ་མཐའ་ཡོངས་གྲོལ་སྟོན་པ་ལ་ཞུས་པ།། གཏིང་ཡངས་ཆོས་ཉིད་དོན་དེ་ཡི།། ངོ་བོ་གནས་ལུགས་ཇི་ལྟར་གནས་པ
321a2 ལགས།། ཞེས་གསོལ་པ་དང་། སྟོན་པས་འཁོར་ལ་བཀའ་སྩལ་པ། གཏིང་ཡངས་ཆོས་ཉིད་དོན་གྱི་གནས་ལུགས་ནི།། བདག་གིས་ཟབ་པར་བཤད་ཀྱིས་གུས་པར་ཉོན།། ཨ་ཐང་འབོང་ཡང་ཏ་ཏི་ཨ།། གཏིང
321a3 ཡངས་དོན་གྱི་གནས་ལུགས་དེ།། ཅང་མེད་དངོས་མེད་བརྗོད་མེད་ཀྱང་།། རྟོག་པ་བསལ་ཕྱིར་རེ་ཞིག་བསྟན།། མུན་ཁུང་གསེར་འཚོལ་སྒྲོན་མེའི་དཔེས།། དོན་གྱི་གསེར་དང་སྤྲད་པར་བྱ།། གཏིང་ཡངས་དོན་གྱི
321a4 གནས་ལུགས་ནི།། སྔོན་ཐོག་ཅི་ཡང་མེད་པ་ཡིན།། ཐོག་མ་མིང་དང་བྲལ་བ་ཡིན།། གཞི་ལ་འཁྲུལ་པ་མེད་པ་ཡིན།། དངོས་གཞི་གྲུབ་པ་མེད་པ་ཡིན།། རླུང་ལྔ་འགྱུར་བ་མེད་པ་ཡིན།། འབྱུང་ལྔ་རང་སར་ཐིམ་པ
321a5 ཡིན།། འོད་ལྔ་རང་སར་དག་པ་ཡིན།། རྩལ་ལྔ་རང་སར་ཐིམ་པ་ཡིན།། ཟེར་ལྔ་རང་སར་དག་པ་དང་།། ཤེས་པ་ཤེས་རྒྱུ་མེད་པ་དང་།། རིག་པ་སྐྱེ་བ་མེད་པ་དང་།། མ་རིག་ཀ་ནས་དག་པ་དང་།། མིན་འཁྲུལ
321a6 སྙེམས་བྱེད་མེད་པ་དང་།། སྟོང་པ་གསལ་བ་ལས་འདས་དང་།། ཐུགས་རྗེ་ཡོན་ཏན་འཆར་བ་མེད།། ཡིད་འཁོར་རྣམས་གསུམ་འཁྲུལ་ཆོད་ནས།། མུན་པའི་འཁོར་སྒོར་མ་འཁྱམས་པས།། རང་བཞིན་ངོ་བོ་ཐུགས
iiif viewer powered by OpenSeadragon
