| e-texts navigator |
| Wylie |
320b1 ཀྱི་ཐུགས་དགོངས་ཇི་ལྟར་འདུས།། ཆོས་རྣམས་ལ་བཟླ་ཆེན་པོ་ཇི་ལྟར་ལགས།། འཁྲུལ་ཆོད་བློ་ཟད་ཕུགས་སུ་ཇི་ལྟར་བསྐྱལ།། སྲིད་པ་ཐམས་ཅད་ལྟོ་ནས་ཇི་ལྟར་བཟློག། ཉོན་མོངས་དམག་དཔུང་ཆེན་པོ་ཇི་ལྟར
320b2 བཟློག། ཁམས་གསུམ་འཁོར་བ་རུ་ནས་ཇི་ལྟར་བཟློག། འགྲོ་བ་དྲུག་གི་གཡང་ས་ཇི་ལྟར་བཅད།། ཆོས་རྣམས་གོ་བཟློག་དོན་ནི་ཇི་ལྟར་རྟོགས།། འགྲོ་དྲུག་སྔ་ལོག་ཆེན་པོ་ཇི་ལྟར་བསྒྱུར།། གོང་འོག་ཐེག་པའི་བྱེ
320b3 བྲག་ཇི་ལྟར་དབྱེ།། ཆོས་མེད་ཟད་སར་བསྐྱལ་པའི་གདམས་པ་གང་།། སྡིག་བཅུ་མ་སྤངས་ཐར་པ་ཐོབ་ལགས་སམ།། དགེ་བཅུ་མ་སྤྱད་བྱང་ཆུབ་ཇི་ལྟར་ཐོབ།། ཚོགས་བསགས་སྨོན་ལམ་མེད་པར་སངས་རྒྱས
320b4 གང་།། ལྷ་དབང་མ་བསྐུར་དངོས་གྲུབ་ཇི་ལྟར་ཐོབ།། རྒྱུད་ཀྱི་རྒྱལ་པོས་ཇི་ལྟར་བཏུལ་བར་བྱ།། ཉི་ཟླའི་སྙིང་པོ་དཔེ་དོན་ཇི་ལྟར་ལགས།། དཔེ་མཚོན་སྙིང་པོའི་དོན་ནི་ཇི་ལྟར་འཆར།། བདུད་རྩིའི་རྒྱ་མཚོ་ཆེན་པོ
320b5 དཔེས་མཚོན་ནས།། གདམས་ངག་བདུད་རྩིའི་རྒྱ་མཚོར་ཇི་ལྟར་འཁྱིལ།། ཆོས་རྣམས་བློ་ཟད་ཅི་ལྟར་བསྐུལ།། རྒྱུད་ཀྱི་མཚན་ཉིད་བཤད་པ་ཇི་ལྟར་ལགས།། ཀྱེ་སྟོན་པའི་རྒྱལ་པོ་ཐོག་མའི་སངས་རྒྱས
320b6 ཁྱོད།། འཁོར་གྱི་དམ་པ་རང་སྣང་གསལ་དག་ལ།། ཞུ་ཚིག་དེ་རྣམས་ཞུས་མཐའ་དགྲོལ་བ་ཞུ།། ཞེས་ཞུ་བ་རླབས་པོ་ཆེ་ཞུས་སོ།། ཉི་ཟླའི་སྙིང་པོ་འོད་འབར་བ་བདུད་རྩིའི་རྒྱ་མཚོ་འཁྱིལ་པའི་རྒྱུད་ལས། གླེང་སློང
iiif viewer powered by OpenSeadragon
