| e-texts navigator |
| Wylie |
31a1 རྣམས་ལ་ནམས་ཀྱང་བསྟན་པར་མ་གསུངས་སོ།། བཀའ་བཞིན་མ་བྱས་དོན་གྱི་སྙིང་པོའི་ཆོས།། འཇིག་རྟེན་ནོར་འདོད་དོན་སྟོན་རྣལ་འབྱོར་ལ།། སངས་རྒྱས་བཀའ་མཆོག་དཀའ་ཆད་འབྱུང་ངེས
31a2 ཕྱིར།། འཇིག་རྟེན་མཁའ་འགྲོ་དམ་ཅན་རྣམས་དང་ནི།། གནོད་སྦྱིན་སྲིན་པོས་སྲོག་བཅད་མནར་མེད་ལྟུང་།། ད་ཡང་འཁོར་གྱི་སེམས་དཔའ་ཡིད་ཀྱིས་ཉོན།། བསྟན་པ་འཇིགས་ཀའི་དུས་འདིར་ཆོས་རྣམས
31a3 ཀྱི།། སྙིང་པོ་རྫོགས་ཆེན་དོན་འདི་འབྱུང་འགྱུར་བས།། སྣོད་ལྡན་རྣལ་འབྱོར་འགའ་ལ་གཏད་པ་ལས།། དད་མེད་སྣང་དགུ་རྣམས་ཀྱི་སྤྱོད་ཡུལ་མིན།། འཁོར་རྣམས་ཀུན་ཀྱང་ངེས་པ་དེ་ལ་ཞོག། ལན་ཅིག་རྣལ
31a4 འབྱོར་ཁས་འཆེའི་ཆོས་པ་རྣམས།། དོན་མེད་ཚིག་མཁས་ཉམས་སུ་ལེན་པ་མེད།། འདུས་བྱས་ཆོས་སྤངས་དོན་ལ་མི་འདུད་པར།། བསོད་ནམས་འདོད་ཕྱིར་གྲོང་དུ་ཆོས་འཆད་འབྱུང་།། དེ་ཡང་རྡོ་རྗེ་སེམས་དཔའ
31a5 ཡིད་ཀྱི་ཉོན།། རྣལ་འབྱོར་ལས་ཅན་དད་ལྡན་ཚེ་འདི་ལ།། གཞུང་གཞན་དོན་ལས་མི་འདའི་བསམ་པ་ཅན།། དཀའ་དགུར་བརྡོས་ནས་མན་ངག་རྒྱུད་འདི་ཚོལ།། དེ་ཚེ་རྣལ་འབྱོར་ལས་ཅན་ཀུན་གྱི་དོན་གྱི
31a6 ཕྱིར།། སྦ་བསྐྱིལ་མི་བྱ་རྒྱུད་འདི་བསྟན་པར་གྱིས།། གལ་ཏེ་སྣོད་ལྡན་མ་རྙེད་དུས་ཉེན།། ཆོས་སྐྱོང་ཡོད་པའི་གཙུག་ལག་ཁང་ཆེན་ནམ།། དྲེགས་པ་ལྷ་འདྲེ་ཡོངས་ཀྱི་བྲག་དཀྱིལ་དུ།། ས་ཕྱོགས་བརྟགས་ལ་དད
iiif viewer powered by OpenSeadragon
