| e-texts navigator |
| Wylie |
319b1 དུ།། གདུངས་སོབ་མ་འོངས་དུས་ན་འབྱུང་བར་འགྱུར།། སྡུད་པ་པོ་ནི་རང་རིག་ཁྱེའུ་ཆུང་ངོ་།། ཞེས་གསུངས་སོ།། རྒྱུད་ཐམས་ཅད་ཀྱི་རྒྱལ་པོ་ཉི་ཟླའི་སྙིང་པོ་འོད་འབར་བ་བདུད་རྩིའི་རྒྱ་མཚོ་འཁྱིལ་པའི་རྒྱུད་ལས།།
319b2 ཕུན་སུམ་ཚོགས་པའི་ལེའུ་སྟེ་དང་པོའོ།། །། དེ་ནས་རང་སྣང་གསལ་དག་གིས།། མུ་མཐའ་ཡོངས་གྲོལ་སྟོན་པ་ལ།། ཕུན་སུམ་ཚོགས་པ་དེ་ལྟར་ན།། ཅི་ཡང་མེད་ལས་གང་མ་བྱུང་།། སྤྱི་གཞི་སྔོན་ཐོག་ཇི
319b3 ལྟར་གནས།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། བརྡའ་དང་གནད་ཀྱིས་བསྟན་བྱ་ཡི།། འཁོར་རྣམས་མ་ཡེངས་གུས་པས་ཉོན།། ཐོག་མ་ཡེ་ཡི་དུས་ཙམ་ན།། ཨ་ཨ་ཨའོ།། ནམ་མཁའ་མེད་པའི
319b4 སྔོན་རོལ་ན།། འབྱུང་བ་གང་ཡང་ཡོད་མ་ཡིན།། དངོས་མེད་མིང་མེད་མཚོན་ལས་འདས།། དེ་བཞིན་སངས་རྒྱས་སེམས་ཅན་གཉིས།། གང་ཡང་བཏགས་གྲུབ་མེད་པའི་ཚེ།། གང་ཡང་མ་གྲུབ་ཅིར་མི་སྣང་།། མིང
319b5 མེད་མཐའ་སྟོངས་བློ་ཡུལ་མིན།། ཡེ་སྟོང་གང་ལ་དངོས་པོ་མེད།། མངོན་སུམ་མི་སྣང་རང་བཞིན་ཁྱབ།། ཅེས་གསུངས་སོ།། རྒྱུད་ཐམས་ཅད་ཀྱི་རྒྱལ་པོ་ཉི་ཟླའི་སྙིང་པོ་འོད་འབར་བ་བདུད་རྩིའི་རྒྱ་མཚོ་འཁྱིལ་བའི
319b6 རྒྱུད་ལས། ཐོག་མའི་གཞིའི་གནས་ལུགས་བསྟན་པའི་ལེའུ་སྟེ་གཉིས་པའོ།། །། དེ་ནས་རང་སྣང་འོད་གསལ་གྱིས།། མུ་མཐའ་ཡོངས་གྲོལ་སྟོན་པ་ལ།། པུས་བཙུགས་ཐལ་སྦྱར་འདི་སྐད་ཞུས།། གཏིང
iiif viewer powered by OpenSeadragon
