| e-texts navigator |
| Wylie |
319a1 རྒྱ་གར་སྐད་དུ། ཏནྟྲ་སརྦ་རཱ་ཛ་སཨཱརྱ་ཙནྡ་ཧྲྀ་ད་ཡ་པྲ་བྷཱ་ཛ་ལ་མྲྀ་ཏ་ས་མུ་དྲ་ཀུཎྜ་ལི་ཏནྟྲ། བོད་སྐད་དུ། རྒུད་ཐམས་ཅད་ཀྱི་རྒྱལ་པོ་ཉི་ཟླའི་སྙིང་པོ་འོད་འབར་བ་བདུད་རྩིའི་རྒྱ་མཚོ་འཁྱིལ་པའི་རྒུད།
319a2 སྔོན་ཐོག་སྤྱི་ཕུད་ཀྱི་སྟོན་པ་སྙིང་པོ་དེ་ཁོ་ན་ཉིད་ལ་ཕྱག་འཚལ་ལོ།། འདི་སྐད་བདག་གིས་བཤད་པའི་དུས་གཅིག་ན། ཆོས་ཉིད་ཁ་གཏིང་མེད་པའི་ཀློང་ན། རང་བྱུང་མུ་མཐའ་གྲོལ་བའི་སྟོན་པས་རང་སྣང་འོད་ཀྱི
319a3 འཁོར་ལ། གསལ་དག་རང་གྲོལ་གྱི་བསྟན་པ་བཤད། དུས་ཀྱི་རྒྱལ་པོ་ཐོག་མཐའ་མེད་པའི་དུས་ན། སྡུད་པ་པོ་ནི་རང་རིག་ཁྱེའུ་ཆུང་ངོ་།། དེ་ནི་སྔོན་བྱུང་ཐོག་མའི་ཕུན་སུམ་ཚོགས་པའོ།། རང་བྱུང་རྩལ་གྱི་ཕུན
319a4 སུམ་ཚོགས་པ་ལྔ།། སྟོན་པའི་རྒྱལ་པོ་རང་བྱུང་དང་དངས་ཀྱིས།། འཁོར་གྱི་དམ་པ་རང་གསལ་ཁྱེའུ་ཆུང་ལ།། བསྟན་པའི་རྒྱལ་པོ་རང་དངས་ཆེན་པོ་བཤད།། འོད་གསལ་གནས་ན་སྔ་ཕྱི་མེད་དུས་སོ།། གཞི་རྩལ
319a5 དབྱེར་མེད་ཕུན་སུམ་ཚོགས་པ་ནི།། འོད་གསལ་གནས་ནས་ངང་དངས་སྟོན་པ་ཡིས།། རང་སྣང་འཁོར་ལ་རང་གྲོལ་བསྟན་པ་བཤད།། དུས་གསུམ་དབྱེར་མེད་རང་སངས་ཆེན་པོའི་དུས།། དེ་ཡི་རྗེས་འཇུག་ཕུན
319a6 སུམ་ཚོགས་པ་ནི།། འོད་གསལ་གནས་ནས་རྡོ་རྗེ་སེམས་དཔའ་ཡིས།། དགའ་རབ་རྡོ་རྗེ་སྙིང་པོའི་འཁོར་ལ་ནི།། ཀུན་རྫོབ་ཙམ་དུ་བླ་མེད་ཐེག་པ་བཤད།། ཡོངས་རྫོགས་ཐོད་རྒལ་མན་ངག་ཚིག་བརྗོད
iiif viewer powered by OpenSeadragon
