| e-texts navigator |
| Wylie |
318a1 བཅད།། བློ་འཕང་བསྟོད་པ་རྒོད་པ་ན།། མིག་ཡང་མི་བསྐུལ་གཞག་པར་བྱ།། དབུགས་ཀྱང་ཅུང་ཟད་ཙམ་བཟུང་སྟེ།། འོག་སྒོ་ལྷོད་ལ་བློ་འཕང་སྨད།། གྲང་སར་མི་བསྡད་ཆང་བཟང་པོ།། མི་བཟི
318a2 ཙམ་བཏུང་ཐུན་བཟུང་ངོ་།། རྐུན་མ་གཉིས་པོ་མེལ་ཚེས་བསྲུང་། མ་ཚོར་ཡིད་ལ་བྱེད་པ་ཡི།། དགོངས་པ་རང་སར་བསྐུལ་བ་ནི།། ཡིད་རྟོག་རྐུན་བུས་མི་རྟོག་བརྐུ།། འོན་ཏང་དགོངས་པ་དངོས་པོའི་གཤིས།། དེ་ནི
318a3 བསྒོམ་པའི་བསླབ་ཐབས་སོ།། མ་བཅོས་ངང་གིས་དེ་ལ་གནས།། བྱིང་རྒོད་མ་ཤོར་རང་བཞིན་ནོ།། གསལ་ལ་མི་རྟོག་དེ་ཉིད་མི་འབྱེད་པས།། བདག་ཉིད་ཆེན་པོ་རང་རིག་རྒྱལ་པོར་བཞག། སྐུ་གསུམ་རང་བཞིན
318a4 རིན་ཆེན་འོད་གསལ་བ།། དེ་ཡིས་མངོན་དུ་གྱུར་བ་ཡིན།། ཉམས་སྟོབས་མཐོང་སྣང་རང་བཞིན་ཤུགས་ཀྱིས་འཆར།། ཉིན་གྱི་རིགས་ལ་ཇི་བཞིན་བརྡའ་ལ་བལྟ།། སྣང་བ་ཕྱུང་ལ་ཡུན་དུ་དམིགས་ལ
318a5 གཏད།། མཚན་གྱི་རིགས་ལ་སྒྲོན་མའི་སྣང་བ་བལྟ།། ཉལ་བའི་དུས་སུ་མ་བཅོས་ངང་ལ་བཞག། རླུང་གི་རྟ་ལ་རིག་པའི་སྐུ་རྒྱུ་བ།། ཁ་དང་ཐུགས་སུ་རང་སྣང་སྣང་བ་ཤར།། བག་ལ་ཉལ་བ་མངོན་དུ་དབྱུང
318a6 བའི་ཐབས།། གོང་བསྟན་བཞིན་དུ་བཞག་ནས་དབྱུང་།། དྲི་མ་ཕྲ་རགས་ཙམ་དུ་སྣང་བ་ཡང་།། རང་གི་དྲི་མ་འོད་དུ་དབྱུང་།། རང་བཞིན་ཡོན་ཏན་རིན་ཆེན་འོད་གསལ་དུ།། འཕྲོ་རྒོད་རྟོག་དཔྱོད་རང་གི་རྩལ་ཡིན།
iiif viewer powered by OpenSeadragon
