| e-texts navigator |
| Wylie |
317b1 ཀྱེ་བཅོམ་ལྡན་མི་གཡོ་མགོན།། དགོངས་པ་ཀ་དག་ཇི་ལྟར་དག། དགོངས་པའི་འདུག་ཚུལ་གང་དང་གང་།། ཕྲ་རགས་སྣང་བ་གང་ལས་བྱུང་།། བསལ་ཞིང་བྲི་བའི་ཐབས་རྣམས་གང་། འདུས་པའི་ཚོགས་ལ་བཤད
317b2 དུ་གསོལ།། ཞེས་ཞུས་སོ།། མི་གཡོ་མགོན་གྱིས་བཀའ་སྩལ་པ།། ཨེ་མ་རྡོ་རྗེ་འཛིན་ལ་སོགས།། མ་བཅོས་དང་ལས་གཡོས་མེད་རྟོག་པ་མེད།། རྒྱ་མཚོ་འདྲ་སྟེ་མི་གཡོ་ཡུལ་མེད་པས།། རགས་པའི་དྲི་མ་སྣང་བ་ཀ
317b3 ནས་དག། རང་བྱུང་སྐུ་དང་ཡེ་ཤེས་མི་འགག་པས།། དོན་གྱི་ངོ་ལ་གསལ་འགྲིབ་གདོད་ནས་མེད།། དེ་ཕྱིར་རང་བཞིན་མེ་སྟག་ལྟ་བུ་ལ།། བྱིང་རྨུགས་མྱོས་འཐིབས་ཀ་ནས་དག། ཀ་དག་རང་གི་དགོངས་པ
317b4 ལ།། རང་གི་འདུག་ཚུལ་བག་ཆགས་ཀྱི།། ཞེན་པ་ཡེ་ནས་རྣམ་པར་དག། དེ་ཕྱིར་ཕྲ་བའི་ཕྲ་བ་དག། རང་གི་འདུག་ཚུལ་གཅིག་ལས་མེད་མོད་ཀྱང་།། བློ་དང་སྦྱར་ནས་རྣམ་པ་གཉིས་སུ་བསྟན།། བསྒོམ་དུ་ཡོད་དང
317b5 མེད་དང་རྣམ་པ་གཉིས།། བསྒོམ་དུ་མེད་པའི་དོན་བསྟན་པ།། བསྒོམ་བྱ་སྐུ་དང་ཡེ་ཤེས་གཉིས།། རང་གི་རིག་པར་ཡེ་གནས་པས།། རིག་པ་རྒྱུན་ཆད་མེད་པ་ལ།། མ་རྨུགས་གསལ་བའི་རྟོགས་མཐའ་བྲལ།། ངང
317b6 བཞག་བསམ་བྲལ་ཉིད་དུ་བདེ།། བསྒོམས་ན་དགོངས་པའི་དགྲ་གཉིས་གཞོམ།། མི་རྟོག་པ་ཡི་དགྲ་རྒོད་པས།། གསལ་བའི་དགྲ་ཡང་བྱིང་བས་བསལ།། བྱ་བ་བཏང་ལ་དལ་བར་བསྡད།། དབང་པོ་ལྔ་ཡི་སྒོ་མི
iiif viewer powered by OpenSeadragon
