| e-texts navigator |
| Wylie |
316b1 ལྔ་འོད་ཀྱི་སྦུབས་ནས་འཐོན།། ཆེ་བའི་ཡེ་ཤེས་མ་བཙལ་ལྷུན་གྱིས་གྲུབ། ཐུགས་རྗེའི་རྒྱུད་ལས་ཐུན་མོང་གདུལ་བྱ་སྒྲོལ།། དྲི་མེད་སྐུ་གསུང་ཐུགས་ལས་གཡོས་པ་མེད།། བག་ཆགས་སྦུབས་སུ་གཟུགས་ཕུང་ཞི
316b2 བའི་སྐུ།། ཕྲ་རགས་སྒྲིབ་པ་རྟོག་གེའི་ངང་ལ་སྣང་།། སྐུ་ལྔའི་ཡོན་ཏན་རིན་ཆེན་འབར་བའི་འོད།། ངོ་བོ་ཀ་དག་ཕྲ་རགས་གདོད་ནས་མེད།། དེ་ལྟར་རྟོགས་པས་ཐེག་པ་བརྒྱད་པོ་ལྟར།། རྩོལ་བསྒྲུབ་མ་བྱས་དྲི་མ་ཀ
316b3 ནས་དག། མ་བཙལ་ལྷུན་གྲུབ་སྐུ་དག་ཡེ་ཤེས་གསལ།། སོ་སོར་རྟོག་པའི་ཤེས་རབ་སྤྱན་ངོ་ལ།། དབུགས་དང་བཅས་ནས་སྙིང་པོ་གཞི་ལ་རྫོགས།། སྒྲིབ་མེད་ཡེ་ཤེས་འགྲོ་བ་ཀུན་ལ་ཁྱབ།། དབུགས་དང་བྲལ་བའི
316b4 ཀ་དག་ཀློང་ན་གསལ།། ཡེ་ཤེས་འོད་ཀྱི་བུམ་པའི་གསང་རུམ་ནས།། ཕྱག་རྒྱའི་སྣང་བ་གང་བསྟན་ངང་དུ་གནས།། སྐུ་དང་ཡེ་ཤེས་རྒྱུ་ཡིན་ཀློང་དུ་ཐིམ།། ཤེས་རབ་སྐུ་ལ་མཚན་མའི་གཟུགས་མེད་པས།། མཚན
316b5 མའི་སྐུ་ལ་རྟོག་པ་མི་མངའ་བར།། ཡེ་ཤེས་ཀློང་ན་ཐ་དད་མེད་པར་བཞུགས།། ཞེས་གསུངས་སོ།། དྲི་མེད་ཀ་དག་རིན་པོ་ཆེ་འོད་གསལ་ཆེན་པོའི་རྒྱུད་ལས། སྦྲུལ་སྐུ་ཀ་དག་རིན་པོ་ཆེ་འོད་གསལ་བར་བསྟན
316b6 པའི་ལེའུ་སྟེ་དྲུག་པའོ།། །། རྡོ་རྗེ་འཛིན་པས་ཡང་ཞུས་པ།། ཀྱེ་ཀྱེ་བཅོམ་ལྡན་ཡེ་ཤེས་ཐུགས།། ཡེ་ཤེས་ཀ་དག་ཇི་ལྟར་དག། རང་གི་ངོ་བོ་ཇི་ལྟར་གནས།། དྲི་གསུམ་སྣང་བ་ཅི་ཡིས་སྣང་། དྲི་མ་དག་པར་གང
iiif viewer powered by OpenSeadragon
