| e-texts navigator |
| Wylie |
316a1 དག་འགྱུར།། ཆུ་ལྔའི་ནང་དུ་བྱད་ཀྱི་གདངས་ཤར་བཞིན།། སྟོང་གསལ་མ་འགགས་ཤིན་ཏུ་ཕྲ་བའི་བདག། མན་ཤེལ་ཀློང་ན་མ་འདྲེས་གསལ་བ་ལྟར།། ཆོས་སྐུ་དྲི་མེད་ཟང་ཐལ་དང་ན
316a2 གསལ།། ཞེས་གསུངས་སོ།། དྲི་མེ་ཀ་དག་གི་རྒྱུད་རིན་པོ་ཆེ་འོད་གསལ་ཆེན་པོ་ལས། ཤེས་རབ་ཀ་དག་གི་རིན་པོ་ཆེ་འོད་གསལ་བར་བསྟན་པའི་ལེའུ་སྟེ་ལྔ་པའོ།། །། དེ་ནས་རྡོ་རྗེ་འཛིན་པས་ཞུས་པ། ཀྱེ
316a3 ཀྱེ་བཅོམ་ལྡན་ཐུགས་རྗེ་ཅན།། སྦྲུལ་སྐུ་ཀ་ནས་ཇི་ལྟར་དག་སྦྲུལ་སྐུའི་གནས་ལུགས་ཇི་ལྟར་བཞུགས།། དྲི་མ་ཕྲ་རགས་ཅི་ལས་བྱུང་།། དྲི་མ་གཉིས་པོ་དག་པའི་དག་ལུགས་གང་། ཞེས་ཞུས་སོ།། རང་བྱུང་ཐུགས
316a4 རྗེས་བཀའ་སྩལ་བ།། ཆོས་ཉིད་ཀ་ནས་དག་པ་ཡི།། མེ་ལོང་གཡའ་དག་ལྟ་བུ་ལ།། རང་བྱུང་ཡེ་ཤེས་ཟེར་ཤར་བ།། མི་འགྱུ་བ་ཡི་འགྱུ་བ་སྟེ།། ཡེ་ཤེས་རླུང་གིས་ཟེར་ལྔ་བསྐྱེད།། ཐུགས་རྗེ་རྒྱུན་གྱི་ཐག་པར
316a5 ཤར།། ཆོས་ཉིད་དག་པའི་ཀློང་དུ་འཁྱིལ།། འབྱུང་བ་ལྔ་ཡི་རླུང་ཆེན་གྱིས།། བསྐྱེད་བསྡུས་སྨིན་བསྐྱེད་ལྔ་བྱས་པས།། ཆོས་སྐུའི་འབྲས་བུ་གཟུགས་སྐུར་སྨིན།། མི་བསྐྱོད་རིན་འབྱུང་མཐའ་ཡས་གྲུབ།། སྣང་མཛད
316a6 ཀུན་ཏུ་ཞལ་དུ་ཤར།། དེ་ནི་ཆོས་སྐུ་སྤྲུལ་པའི་སྐུ།། ཤེས་རབ་སྐུ་ཡི་རྩལ་སྟོབས་ཡིན།། ཕྱིས་ནི་གདུལ་བྱ་རང་སྣང་ལ།། འདུལ་བྱེད་རིག་པ་རང་སྣང་གསལ།། ཤེས་བྱའི་དཀྱིལ་འཁོར་འོད་དུ་གསལ།། རང་བྱུང་སྐུ
iiif viewer powered by OpenSeadragon
