| e-texts navigator |
| Wylie |
315b1 བདག། དེ་ལྟར་མ་འགགས་རིག་པའི་ཡེ་ཤེས་རླུང་།། དབུགས་མེད་འགྱུ་བ་ཤེས་རབ་ངོར་སྣང་བ།། ས་རླུང་དལ་གསལ་སྐུ་ལྔ་འཆར་བའི་རྒྱུ།། ཆུ་ཡི་རླུང་འགྲུས་སྐུ་ལྔའི་ངོ་བོར་འགྲིལ།། མེ་ཡི་རླུང་འགྲུས་སྐུ་ལྔ་ཕྱག
315b2 ར་རྫོགས།། རླུང་གི་རླུང་འགྱུས་ཆོས་ཉིད་ཀློང་དུ་བསྐྱོད།། སྐུ་མདོག་ཕྱག་རྒྱ་མ་འདྲེས་སོ་སོར་གསལ།། རང་བཞིན་མ་འགགས་བརྗོད་དུ་མེད་པའི་གསུང་།། ཤེས་རབ་དོན་ལ་མཚན་མའི་ཕྱག་རྒྱ་མེད།། ཤེས་རབ
315b3 རང་བཞིན་ཡེ་ནས་གསལ་བ་ལ།། སྤྲུལ་བའི་སྐུ་ལྔ་ཝལ་ལེ་ཁྱུག་གེ་གསལ།། དངོས་མཚན་མེད་པས་གདུལ་བྱས་མཐོང་བ་མེད།། ཤེས་རབ་ཡིན་པས་རང་གསལ་འགག་པ་མེད།། ཡིད་འདས་ཀུན་ཏུ་རྒྱུ་བས་གཟུང
315b4 འཛིན་མེད།། འདུས་བྱས་ཙམ་ལ་སྒྱུ་མ་ཙམ་སྣང་དང་།། ཡིད་ཀྱི་ཡུལ་འགྱུར་ཕྱོགས་མཐུན་མཚན་མ་ཡང་།། ཤེས་རབ་སྐུ་ལྔ་རིན་ཆེན་འོད་གསལ་ཏེ།། རླུང་གི་སྟོབས་ལས་ཡིད་ཀྱི་རྣམ་པ་བྱུང་།། རླུང་ལྔ་འཐབས
315b5 པས་འབྱུང་ལྔ་རྫོགས་པར་བྱས།། ཆོས་ཉིད་ཀློང་ན་ཡེ་ཤེས་སྒྱུ་མ་ཙམ།། མེ་ལོང་གཟུགས་སྣང་ཆུ་ཟླ་འཇའ་ཚོན་ཙམ།། མ་འགགས་དངོས་མེད་མ་འདྲེས་སོ་སོར་སྣང་།། ཕྱི་ནང་བློས་བཏགས་ཤེས་རབ་སྐུ་བསྒྲིབས
315b6 ཀྱང་།། ཤེས་རབ་ངོ་ལ་དངོས་མཚན་ཀ་ནས་དག། དེ་ཙམ་སྣང་བ་ཤེས་རབ་སྐུ་ཡི་གདངས།། དེ་ལྟར་རྟོགས་པ་ཀ་དག་ཤེས་རབ་དང་།། སོ་སོར་རྟོག་པའི་ཤེས་རབ་ངོ་ལ་གསལ།། དབུགས་དང་བྲལ་བས་དྲི་མ་རང
iiif viewer powered by OpenSeadragon
