| e-texts navigator |
| Wylie |
315a1 བཞི་པའོ།། །། དེ་ནས་རྡོ་རྗེ་འཛིན་པས་ཞུས་པ། ཀྱེ་ཀྱེ་བཅོམ་ལྡན་མཁྱེན་གསལ་རིག། ཤེས་རབ་སྐུ་ལྔ་ཀ་ནས་ཇི་ལྟར་དག། ཤེས་རབ་སྐུ་ལྔའི་བཞུགས་ཚུལ་ཇི་ལྟར་གསལ།། དྲི་མ་ཕྲ
315a2 རགས་རྩལ་སྣང་ཇི་ལྟར་གསལ།། དག་པའི་ངང་དུ་གྲོལ་ཐབས་ཇི་ལྟར་ལགས།། འདུས་པའི་ཚོགས་ལ་ངེས་པར་བཀའ་སྩོལ་ཅིག། རྡོ་རྗེ་འཆང་གིས་བཀའ་སྩལ་པ།། རྡོ་རྗེ་འཛིན་པ་ངེས་ཟུང་ཞིག། ཆོས་སྐུ་སྙིང་པོ
315a3 འབྱུང་ལྔར་ལྡན།། རང་གི་རིག་པ་མི་འགག་པར།། བུམ་པའི་ནང་གི་མར་མེ་བཞིན།། འབྱུང་ལྔའི་གོ་ནས་རིག་པ་འགྱུར།། དབུགས་མེད་འགྱུ་བ་ཡེ་ཤེས་རླུང་།། ཤེས་རབ་གསལ་བ་ལྔར་ལྡན་པས།། འོད་ཀྱི་མཚན
315a4 མ་ཀ་ནས་དག། གསལ་བའི་མེ་ཏོག་ཤེས་རབ་སྐུ་ལྔ་ལ།། མ་རིག་ལས་བྱུང་ཡུལ་གྱི་རྗེས་འབྲངས་པས།། དངོས་མཚན་གཟུགས་མེད་རྣམ་རྟོག་ཆས།། གསལ་འགྲིབ་སྐྱེ་དང་འགགས་པར་བཅས།། ཡིད་གཉིས
315a5 མཚན་མར་ཞེན་སྣང་ཀ་ནས་དག། དེ་མེད་དེ་འཛིན་པ་ཡི་ཞེན་པ་ཀ་ནས་དག། ཤེས་རབ་སྐུ་ལྔའི་འདུག་ཚུལ་ནི།། ཆོས་སྐུ་འབྱུང་ལྔའི་རང་བཞིན་ཅན།། མི་གཡོ་གསལ་ལ་མི་རྟོག་པ།། ཕྱོགས་ལྷུང་མེད་པའི་ཤེས
315a6 རབ་ལ།། ཆོས་སྐུ་དྲན་རྟོག་མེད་པའི་ཐུགས།། སྙིང་པོ་བཅུད་འདྲིལ་མཚན་མ་མེད་པའི་སྐུ།། སྐུ་ཡི་རང་བཞིན་སྙིང་པོ་འབྱུང་བ་ལྔ།། དངོས་མེད་འགྱུར་མེད་ཡོན་ཏན་དྲི་མ་མེད།། ཐོག་མ་གཉིས་མེད་འབྱུང་བ་ལྔ་ཡི
iiif viewer powered by OpenSeadragon
