| e-texts navigator |
| Wylie |
314a1 དག་ཆེན་པོ་འོད་གསལ་པ་ལས། རིག་པ་ཀ་དག་རིན་པོ་ཆེ་འོད་གསལ་དུ་བསྟན་པའི་ལེའུ་སྟེ་གསུམ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་མཐའ་ལས
314a2 འདས།། ཆོས་སྐུ་ཀ་ནས་ཇི་ལྟར་དག་དྲི་མ་ཕྲ་རགས་ཅི་ཡིས་སྣང་།། དག་པའི་ཐབས་སུ་གང་རྣམས་བསྟན།། འདུས་པའི་ཚོགས་ལ་གསུང་དུ་གསོལ།། ཞེས་ཞུས་སོ།། ཇི་བཞིན་རྫོགས་པ་དཔལ་གྱི
314a3 དཔལ།། ཁྲག་འཐུང་རྒྱལ་པོས་བཀའ་སྩལ་པ།། ཉོན་ཅིག་རྡོ་རྗེ་འཛིན་སོགས་ཀུན།། ཆོས་སྐུ་ཀ་ནས་འདི་ལྟར་དག། ཆོས་སྐུ་དྲི་མེད་དག་གསལ་ལ།། གཟུང་བ་ཕྲ་རགས་ཀ་ནས་དག། རིག་པ་དྲི་མེད་རང་གསལ
314a4 ལ།། འཛིན་པ་ཕྲ་རགས་ཀ་ནས་དག། དེ་ཕྱིར་གཉིས་མེད་ཟང་ཐལ་ལ།། གཉིས་སྣང་དེར་འཛིན་ཀ་ནས་དག། ཆོས་ཉིད་དྲི་མེད་སྙིང་པོ་རུ།། རིག་པ་དྲི་མེད་རང་གསལ་བས།། ཆད་པའི་དྲི་མ་ཀ་ནས་དག། རིག་པ
314a5 དྲི་མེད་སྟོང་གསལ་ལ།། ཆོས་ཉིད་དྲི་མེད་སྟོང་གསལ་གྱིས།། གཉིས་སུ་མེད་པས་རྒྱས་བཏབ་པས།། རྟག་པའི་དྲི་མ་ཀ་ནས་དག། དེ་དང་མཚུངས་པའི་དྲི་མ་ཀུན།། མ་བསལ་ཀ་དག་ཡེ་ཡིན་མོད།། འདུག་ཚུལ་ངོ
314a6 བོཔོ་གནས་ལུགས་ནི།། དྲི་མེད་ནམ་མཁའི་སྙིང་པོ་ལ།། རྟོག་མེད་རིག་པའི་སྙིང་པོ་ཤར།། སྟོང་གསལ་དབྱེར་མེད་རང་གསལ་ལ།། རང་གདངས་མི་འགག་མཚན་མ་མེད།། ཐུགས་རྗེའི་སྒོ་ནས་མ་འགགས
iiif viewer powered by OpenSeadragon
