| e-texts navigator |
| Wylie |
313b1 གསལ།། དེ་གསུམ་མཚུངས་པས་མཐུ་བརྟས་རགས་པར་སྣང་།། གཅིག་ལ་གཅིག་འཐབ་དྲི་མ་ཕྲ་བར་སྣང་།། དག་པའི་ཀློང་དུ་གོང་མའི་གདངས་ཤར་བས།། ཆོས་ཉིད་ངང་ལ་སྒྲིབ་པའི་བག་ཏུ་སྣང་།། ཡོན་ཏན
313b2 མཚུངས་པས་འོད་གསལ་ཕྲ་རགས་སྣང་།། བློས་བཏགས་ཕྱི་ནས་བལྟ་བའི་དོན་བསྒྲིབས་ཀྱང་།། གཞན་ལ་ལྟོས་འགྱུར་ཆོས་མ་ཡིན།། རིམ་གསལ་སྟོང་ཉིད་སྙིང་པོར་གནས།། བུམ་པའི་ནང་གི་མར་མེ
313b3 བཞིན།། གསལ་ལ་གཡོ་སེམས་མེད་པའོ།། ཚོགས་བརྒྱད་ཆོས་ཅན་སྣང་བ་ཡང་།། རང་རིག་འབྱུང་ལྔའི་མཚན་ཉིད་ཀྱིས།། ཕྱོགས་རེའི་ཀློང་ནས་ཡེ་ཤེས་རླུང་།། དབུགས་མེད་འབྱུང་བ་ལྔས་བསྐྱོད་པས།། ཤེས
313b4 རབ་རླུང་འབྱུང་སྣང་བ་ལྔ།། འོད་ལྔ་ཟེར་གྱི་ཚུལ་དུ་ཤར།། ཆོས་ཉིད་ངང་ལ་འོད་གསལ་བ།། དེ་ནི་རང་བྱུང་ཡེ་ཤེས་ལ།། བག་ཆགས་མ་ལུས་ཡོངས་སུ་སྨིན།། འབྱུང་བ་ཡུམ་ལྔས་བསྐྱེད་པའོ།། དེ་ཚེ་སྒོ་ལྔ་སྣང་བ
313b5 དེ།། ཡེ་ཤེས་རིན་ཆེན་འོད་གསལ་ཡིན།། ཚོགས་བརྒྱད་དྲི་མ་ཕྲ་རགས་ཀྱང་།། བསལ་ཅིང་སྤངས་པས་མི་འདག་སྟེ།། ཤེས་རབ་སྐྱེ་ཐབས་རྣམ་གཉིས་ཀྱིས།། མ་རིག་ལིང་ཏོག་བསལ་བ་ཡིས།། ཤེས་རབ་གསལ
313b6 བའི་སྤྱན་ཕྱེ་བས།། དྲི་མེད་ཀ་དག་ངོ་ལ་སྣང་།། དེ་དག་སྣང་ཚུལ་འོད་གསལ་བ།། དེ་ཡི་རིམ་བསྟན་གོང་ལྟར་སྣང་།། སྐད་ཅིག་ཆ་ལས་འཛིན་པ་དག། དེ་ཡིས་དྲི་མ་རང་དག་འགྱུར།། ཞེས་གསུངས་སོ།། དྲི་མེད་ཀ
iiif viewer powered by OpenSeadragon
