| e-texts navigator |
| Wylie |
313a1 སྩལ་བ།། རྡོ་རྗེ་འཛིན་སོགས་ངེས་ཟུང་ཞིག། ཕྱི་ནང་མེད་པའི་ཟང་ཐལ་ནི།། ཆོས་ཉིད་གཟུང་འཛིན་བྲལ་བ་ལ།། འབྱུང་བཞིའི་སྒྲིབ་པ་ཀ་ནས་དག། ཆོས་ཉིད་མཚན་མེད་སྤྲོས་བྲལ་ལ།། འབྱུང
313a2 བཞིའི་མཚན་མ་ཀ་ནས་དག། ཆོས་ཉིད་འབྱུང་བ་མེད་པ་ལ།། ས་ཡི་མཚན་མ་ཀ་ནས་དག། ཆོས་ཉིད་གདོད་ནས་དག་པ་ལ།། ཆུ་ཡི་མཚན་མ་ཀ་ནས་དག། ཆོས་ཉིད་རང་གསལ་ཆེན་པོ་ལ།། མེ་ཡི་མཚན་མ་ཀ
313a3 ནས་དག། ཆོས་ཉིད་མི་གཡོ་ཐོགས་མེད་ལ།། རླུང་གི་མཚན་མ་ཀ་ནས་དག། འབྱུང་ཟད་ཆོས་ཉིད་ཡེ་གདངས་ལ།། ནམ་མཁའི་མཚན་མ་ཀ་ནས་དག། ཆོས་ཉིད་གདོད་ནས་དག་པའི་རྒྱ་མཚོ་ཆེན་པོ་ལ།། འབྱུང
313a4 ལྔའི་རྡུལ་གྱི་མཚན་མ་ཀ་ནས་དག། ཆོས་ཉིད་ཁ་དོག་མེད་པའི་རང་གསལ་ལ།། འབྱུང་བ་བཞི་ཡི་བག་གི་ཁ་དོག་ཀ་ནས་དག། ཀ་དག་ངང་གི་ཆོས་ཉིད་འདུག་ཚུལ་ནི།། ཡོན་ཏན་མཚན་ཉིད་གྲངས་ལས་འདས
313a5 མོད་ཀྱང་།། ཆོས་ཉིད་དོན་གྱི་འདུག་ཚུལ་འདི་ལྟར་གནས།། དངོས་མེད་སྤྲོས་བྲལ་དག་གསལ་ཟང་ཐལ་དེ།། མཚན་མའི་རྫས་མེད་ཐམས་ཅད་འཆར་བའི་རྟེན།། དག་པའི་ཆུ་དང་དག་པའི་མེ་ལོང་བཞིན།། དྲི་མ
313a6 ཕྲ་རགས་རྣམ་གསུམ་སྣང་བ་ཡང་།། ཆོས་ཉིད་མཚན་ཉིད་ཡེ་ཉིད་འབྱུང་བ་ལྔ།། རིག་པའི་མཚན་ཉིད་ཡེ་ནས་འབྱུང་བ་ལྔ།། དེ་ཉིད་མཚུངས་པས་རིན་ཆེན་འོད་གསལ་བ།། དེ་ལྔའི་ནང་དུ་དེ་ལས་དེ་ལྟར
iiif viewer powered by OpenSeadragon
