| e-texts navigator |
| Wylie |
312b1 ཕྲ་རགས་རང་དག་འགྱུར།། ཤེས་རབ་ཅན་ལ་ད་ལྟ་ཉིད་ལ་དག། དེ་ལྟར་མ་མཐོང་རྩོལ་བས་དག་འགྱུར་མེད།། ཅེས་གསུངས་སོ།། དྲི་མེད་ཀ་དག་གི་རྒྱུད་རིན་པོ་ཆེ་འོད་གསལ་ཆེན་པོ་ལས། ཆོས་ཉིད་ཀ
312b2 དག། རིན་པོ་ཆེ་འོད་གསལ་བར་བསྟན་པའི་ལེའུ་སྟེ་གཉིས་པའོ།། །། དེ་ནས་ཡང་རྡོ་རྗེ་འཆང་ལ་ཞུས་པ། ཀྱེ་ཀྱེ་བཅོམ་ལྡན་དྲི་མ་མེད།། རྟོག་མེད་ཡེ་ཤེས་རང་གསལ་མངའ།། རིག་པ་ཀ་ནས་ཇི་ལྟར
312b3 དག། དག་པའི་ངོ་བོ་ཇི་ལྟར་གནས།། དྲི་མ་ཕྲ་རགས་ཅི་ཡིས་སྣང་།། དྲི་མ་དག་པར་གང་གིས་བྱེད།། འདུས་པའི་ཚོགས་ལ་གསུང་དུ་གསོལ།། རྡོ་རྗེ་འཆང་གིས་བཀའ་སྩལ་པ།། སྐྱེ་འགག་མེད་པའི་ཡེ་ཤེས
312b4 ལས།། ཕྱོགས་ལྷུང་མེད་པའི་ཤེས་རབ་གསལ།། དེ་ཉིད་རིག་པ་ཉག་གཅིག་གསལ།། གདོད་ནས་དག་པའི་རིག་པ་ལ།། སྒོ་ལྔའི་ཆོས་ཅན་ཀ་ནས་དག། རིག་པ་ཟང་ཐལ་སྤྲོས་མེད་ལ།། ཡིད་ཀྱི་རྣམ་ཤེས་ཀ་ནས
312b5 དག། རང་གསལ་འཛིན་མེད་ཡེ་གནས་ལ།། ངར་འཛིན་ཉོན་མོངས་ཅན་གྱི་ཡིད།། མ་སྦྱངས་ཀ་ནས་དག་པ་ཡིན།། རིག་པ་སྤྲོས་དང་བྲལ་བ་ཉིད།། ཉག་གཅིག་ཀ་ནས་དག་པ་ལ།། འཕེལ་འགྲིབ་གང་སྟོངས་མེད
312b6 པས་ན།། ཀུན་གཞི་ཀ་ནས་དག་པ་ཡིན།། དེ་དག་ཡོན་ཏན་ཕྱོགས་སྣང་སྟེ།། ངོ་བོ་འདུག་ཚུལ་འདི་ལྟར་གནས།། མི་རྟོག་ཡེ་ཤེས་རང་གསལ་ལ།། སེམས་མེད་རང་རིག་ཡེ་གནས་དོན།། ལྷ་ཡི་ལྷ་མཆོག་བཀའ
iiif viewer powered by OpenSeadragon
