| e-texts navigator |
| Wylie |
311b1 མཚན་རབ་ཏུ་དངས་པ། ཤེས་རབ་ཀྱི་སྐུར་བཞེངས་པ་སྟེ། ཆོས་ཉིད་དྲི་མེད་ཀ་དག་གི་ཀློང་། མི་འགྱུར་བའི་གཞལ་མེད་ཁང་། ཕྱི་ནང་མེད་པར་ཟདང་ཐལ་བ། རྒྱ་ཡོངས་སུ་མ་ཆད་པའི་ཀློང་དུ་རིན་པོ་ཆེ་འོད་གསལ
311b2 བས། སྦྲུལ་སྐུའི་གནས་སུ་ཤར་བ་ནི། ལྷོ་ཕྱོགས་བདེ་ལྡན་ཡིད་འདྲེས་པའི་ཚལ། པདྨ་བརྩེགས་པའི་ཕོ་བྲང་། གསང་ཆེན་རོལ་པའི་དུར་ཁྲོད། མེ་རི་འབར་བའི་རྩེ་ལ་བཞུགས་ཏེ། དཔལ་འཇིགས་བྱེད་ཀྱི་རྒྱལ་པོ
311b3 ལ། མངོན་པར་འཁོད་པའི་མཁའ་འགྲོ་རྣམ་པ་ལྔ་དང་། བྱང་ཆུབ་སེམས་དཔའ་སྤྲིན་གྱི་ཤུགས་ཅན་བདུན་དང་། གསང་བའི་བདག་པོ་རྣམས་བྱིན་གྱིས་རླབས་ཀྱིས་འདུས་སོ།། དེའི་ཚེ་གསང་བའི་བདག་པོས་སྣ
311b4 དྲངས་ཏེ། འདུས་པའི་ཚོགས་ཀྱིས་མར་མེ་མཛད་ལ་བརྐྱང་ཕྱག་འཚལ་ཏེ། བསྐོར་བ་ལན་དགུ་མཛད་དེ། འདི་སྐད་ཅེས་གསོལ་ཏོ།། ཨེ་མ་ཧོ། དཔལ་གྱི་དཔལ་མཆོག་ཧེ་རུ་ཀ། གསང་བ་ཡང་གསང་དྲི་མེད་ཀ་དག
311b5 དོན།། རིན་ཆེན་འོད་གསལ་ཆེན་པོའི་རྒྱུད།། མ་རིག་མུན་པ་བསལ་བའི་ཕྱིར།། ཤེས་རབ་ཆེན་པོ་སྦར་བའི་ཐབས།། འདུས་པའི་ཚོགས་ལ་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། ཨེ་མ་ཧོ།།
311b6 གསང་བའི་མཛོད་ཆེན་རིན་ཆེན་ཐུགས་ཀྱི་གཏེར།། འགྱུར་མེད་ཆོས་ཉིད་གསང་བའི་རྒྱས་བཏབ་པ།། ཤེས་རབ་ཀ་དག་ཆེན་པོའི་རྒྱ་དྲལ་ནས།། ཀ་དག་འོད་གསལ་རྒྱུད་ཆེན་གཏེར་ཕྱུང་བ།། དབུགས་མེད་འགྱུར
iiif viewer powered by OpenSeadragon
