| e-texts navigator |
| Wylie |
311a1 སོ།། སྟོན་པས་ཡང་གསུངས་པ།། རྒྱུད་འདི་གཏད་པའི་སློབ་མ་སྣོད་ལྡན་ནི།། རི་བོའི་བློ་ལ་ཉི་ཟླའི་སེམས།། རལ་གྲིའི་ཤེས་རབ་དར་དཀར་རྒྱུད།། ཤེལ་གོང་དམ་ཚིག་པུ་ཆུང་སྤྱོད།། དེ་ལྡན་འཇིག
311a2 རྟེན་འདི་ན་དཀོན།། བླ་མ་གཙུག་ཁུར་དམ་ཚིག་བསྲུང་།། ཤེས་རབ་ཆེ་ལ་གཏོང་ཕོད་ཆེ།། ངང་རིང་དགེ་སེམས་མན་ངག་འཆང་།། དེ་ལྟ་བུ་ལ་རྒྱུད་འདི་གཏད།། སྣོད་མེད་རྣམས་ལ་མ་གཏད་ཅིག། ཅེས་གསུངས
311a3 སོ།། སངས་རྒྱས་ཀུན་གྱི་དགོངས་པའི་བཅུད་བསྡུས་རི་བོ་བརྩེགས་པའི་རྒྱུད་ལས། མཚན་དང་གཏད་རྒྱ་བསྟན་པའི་ལེའུ་སྟེ་ཉེར་གཅིག་པའོ།། །། སངས་རྒྱས་ཀུན་གྱི་དགོངས་པའི་བཅུད་བསྡུས་རི་བོ
311a4 བརྩེགས་པའི་རྒྱུད་རྫོགས་སོ།། །། @#།། རྒྱ་གར་སྐད་དུ། ཨ་མ་ལ་ཤུདྡྷ་ཏནྟ་རཏྣ་མ་ཧཱ་པྲ་ཀ་ཊ་ནཱ་མ། བོད་སྐད་དུ། དྲི་མེད་ཀ་དག་གི་རྒྱུད། རིན་པོ་ཆེ་གསལ་བ་ཆེན་པོ་ཞེས་བྱ་བ། བཅོམ
311a5 ལྡན་འདས་ཡེ་ཇི་བཞིན་པའི་རྡོ་རྗེ་འཆང་ཆེན་པོ། སྐྱོན་ཀ་དག་ཡོན་ཏན་ལྷུན་གྱིས་གྲུབ་པའི་སྟོན་པ། དྲི་མ་མེད་པའི་དགོངས་པ་མངའ་བ། རིན་པོ་ཆེ་འོད་འབར་བའི་དཔལ་ལ་ཕྱག་འཚལ་ལོ།། བུདྡྷ་སརྦྦ་མ་ལ། ས
311a6 མ་དྷི་ཨ་ཧོ། འདི་སྐད་བདག་གིས་ཐོས་པའི་དུས་གཅིག་ན།། བཅོམ་ལྡན་འདས་སྟོན་པ་འོད་མི་འགྱུར་བ་རིན་པོ་ཆེ་དྲི་མེད་འོད་གསལ་བ། ཡེ་ཇི་བཞིན་པ་ཆེན་པོ་གཞོན་ནུ་བུམ་པའི་སྐུ་རུ་བཞུགས་པ། གཞོན་ནུའི
iiif viewer powered by OpenSeadragon
