| e-texts navigator |
| Wylie |
30a1 གཉིས་ཀྱིས།། སྣང་བ་དག་དང་མ་དག་གཉིས་སུ་འབྱུང་།། དེ་ཕྱིར་གཞི་ལ་ཆོས་ཅན་ཆོས་ཉིད་མེད།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། དོན་གྱི་བྱེ་བྲག་བསྟན་པར
30a2 ལེའུ་སྟེ་སོ་དགུ་པའོ།། །། དེ་ནས་འདུས་པའི་འཁོར་གྱི་ཚོགས་རྣམས་ལ།། སྟོན་པ་ཀུན་རིག་ཆོས་རྗེ་ཆེན་པོ་ཡིས།། ཐུན་མོང་ཆོས་རྣམས་ཟིལ་གནོན་བཀའ་སྩལ་པ།། ཁྱུང་ཆེན་གཤོག་རྒྱས་མཁའ་ལ་ལྡིང་བ
30a3 ལ།། ངམ་གྲོག་གཡང་ས་རྒྱ་མཚོར་ཉམ་མི་ང་།། དེ་བཞིན་རང་གིས་སེམས་རྟོགས་རྣལ་འབྱོར་པས།། འཁོར་བའི་སྡུག་བསྔལ་ཟིལ་གནོན་གནོད་མི་ནུས།། སེང་གེ་རྩལ་རྫོགས་གངས་གོང་ཉལ་བ་ལ།། གཅན
30a4 གཟན་ཆར་ལྷག་ཟིལ་གནོན་གནོད་མི་ནུས།། དེ་བཞིན་རྣལ་འབྱོར་གདེང་ཆེན་ལྡན་པ་ཡིས།། ཁམས་གསུམ་འཁོར་བའི་གོལ་སྒྲིབ་ཟིལ་གྱིས་གནོན།། དེ་ཡང་འདུས་པའི་རྡོ་རྗེ་སེམས་དཔའ་ཉོན།། སྣང་མེད་ཆོས་སྐུ
30a5 ས་དོན་རྟོགས་པ་ལ།། མཚན་མ་སྣ་ཚོགས་སྣང་རུང་མི་སྣང་རུང་།། སྐེ་འཆི་མེད་པའི་ཡེ་ཤེས་དོན་རྟོགས་ན།། རྒྱུ་རྐྱེན་འདུས་བྱས་རྟག་རུང་མི་རྟག་རུང་།། ཡེ་ནས་ཆོས་སྐུ་ཡིན་པས་དོན་རྟོགས་ན།། ད་བཟོད་རྩོལ
30a6 བ་བྱེད་རུང་མི་བྱེད་རུང་།། གཞི་ལ་གཉིས་མེད་ངེས་པའི་དོན་མཐོང་ན།། གཅིག་དང་དུ་མར་བྱེད་རུང་མི་བྱེད་རུང་།། མཉམ་པ་ཉིད་ཀྱི་ཡེ་ཤེས་དོན་རྟོགས་ན།། མཐོ་དམན་བཟང་ངན་བྱེད་རུང་མི་བྱེད་རུང་།། རང
iiif viewer powered by OpenSeadragon
