| e-texts navigator |
| Wylie |
308b1 བརྩེགས།། ཡེ་ནས་རྒྱུན་ཆད་མེད་པ་སྟེ།། དེ་ཕྱིར་རི་བོ་བརྩེགས་པའི་རྒྱུད།། ཅེས་གསུངས་སོ།། རི་བོ་བརྩེགས་པའི་རྒྱུད་ལས།། རི་བོ་དཔེར་བསྟན་པའི་ལེའུ་སྟེ་བཅུ་གསུམ་པའོ།། །། དེ་ནས་ངང་དངས་ཁྱེའུ་ཆུང
308b2 གིས།། ཡེ་ཐོག་ཀ་དག་སངས་རྒྱས་ལ།། གསང་སྔགས་བརྡའ་ཡིས་ཇི་ལྟར་བཤད།། ཅེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། གསང་སྔགས་ལྷ་སྒོམ་བརྡའ་ཡིས་བསྟན།། ངང་དངས་ཁྱེའུ་ཆུང་ཐུགས
308b3 ལ་ཆོངས།། ཁྱུང་ཆེན་ནམ་མཁར་ལྡིང་བ་དང་།། རུས་སྦལ་འཁར་གཞོང་བཅུག་པ་དང་།། སྨྱོན་པ་གླང་པོ་ཆུར་ཞུགས་དང་།། རི་རྒྱལ་ལྷུན་པོ་འགྱུར་མེད་དང་།། ཤེལ་གོང་ནོར་བུ་རིན་ཆེན་གསེར།། བརྡའ་དོན
308b4 གནད་འགྲོལ་མན་ངག་འདིས།། ཤེས་རབ་ཅན་གྱི་བརྡའ་གནད་བཀྲོལ།། ཞེས་གསུངས་སོ།། སེང་གེ་ནམ་མཁའི་འབྲུག་ཐོས་དང་།། རུས་སྦལ་མཁའ་ལ་བསྙེག་པ་དང་།། རལ་གྲི་སྣུམ་གྱིས་ངར་བཏགས
308b5 དང་།། གླང་པོས་དམག་གི་ཚོགས་བསྒྱུར་དང་།། བཀྲེས་པ་གཡོས་ལེགས་ཟས་ཟ་དང་།། བཙོ་མ་གཡའ་དང་བྲལ་བ་དང་།། མེ་ལོང་དྲི་མ་བྲལ་བ་དང་།། ཉི་མ་མུན་པ་མེད་པ་དང་། རྒྱ་མཚོ་གཡོ་འགུལ་མེད་པ
308b6 དང་།། དུང་ཉིད་ཡེ་དག་དཀར་བ་དང་།། སྒྲོན་མེས་མུན་པ་སེལ་བ་དང་།། ཆུ་བོ་རྒྱུན་ཆད་མེད་པའོ།། ཞེས་གསུངས་སོ།། རི་བོ་བརྩེགས་པའི་རྒྱུད་ལས། གསང་སྔགས་བརྡས་བསྟན་པའི་ལེའུ་སྟེ་བཅུ་བཞི
iiif viewer powered by OpenSeadragon
