| e-texts navigator |
| Wylie |
305a1 བ་དང་། ཡིན་པ་ལས་མིན་པར་འགྱུར་བ་དང་། མིན་པ་ལས་ཡིན་པར་འགྱུར་བ་དང་། ཉེ་བ་དང་རིང་བ་དང་། དེ་བཞིན་དུ་ཆེ་ཆུང་བཟང་ངན་བདེ་སྡུག་དང་། ཁྱབ་དང་མ་ཁྱབ་དང་། བྱུང་དང་མ་བྱུང
305a2 དང་། དག་དང་མ་དག་དང་། གྲུབ་དང་མ་གྲུབ་དང་། མཐོང་དང་མ་མཐོང་དང་། ཡངས་དང་དོག་དང་། དབྱིབས་དང་ཁ་དོག་དང་། ཕྱི་དང་ནང་དང་། སྐྱེ་བ་དང་འགགས་པ་དང་། འཕོ་དང་མི་འཕོ་དང་། འགྱུར
305a3 དང་མི་འགྱུར་དང་། མུན་པ་དང་སྣང་བ་དང་། སྔོན་དང་ཕྱི་མ་དང་། མཐའ་དང་དབུས་དང་། གོང་མ་དེ་དག་ཐམས་ཅད་ཀྱང་། བདག་དང་གཞན་དུ་གྱུར་པ་དང་། དེ་བཞིན་དུ་བླངས་ནས་དོར་བར་གྱུར་པ་དང་།
305a4 དོར་བ་ལས་བླང་བར་གྱུར་པ་མེད་པའི་ཕྱིར། ནམ་མཁའ་ནི་ཐམས་ཅད་དུ་མ་བཅོས་པའོ།། དེ་བཞིན་དུ་དངོས་མེད་ཀ་དག་རྣལ་མ་ལ། དུས་ཐམས་ཅད་དུ་མ་བཅོས་མ་བསླད་པའོ།། མི་རྩོལ་མི་སེམས། བློ་བཅོས
305a5 ཞེ་འདོད་དང་རྩིས་གདབ་མེད་པར་གནས་སོ།། རྒྱལ་བ་ཀུན་ཏུ་བཟང་པོས་དེ་བཞིན་གཤེགས་པ་དུས་གསུམ་གྱི་སངས་རྒྱས་ཐམས་ཅད་ཀྱི་ཡང་སྙིང་དགོངས་པའི་བཅུད་བསྡུས་ནས་གསུངས་སོ།། དེ་ནས་དཔལ་རྡོ
305a6 རྗེ་སེམས་དཔས་ཐུགས་དགོངས་ཀྱི་བཅུད་བསྡུས་ནས་གསུངས་པ། བསམ་གྱིས་མི་ཁྱབ་ཆོས་འདི་རྣམས། དེ་བཞིན་ཉིད་དུ་གཅིག་པས་ན།། གང་གིས་དེ་བཞིན་དེ་ཤེས་ན།། ཀུན་ལ་དབང་བསྐུར་ཐོབ་པ་ཡིན།། རྡོ
iiif viewer powered by OpenSeadragon
