| e-texts navigator |
| Wylie |
29a1 འདི་བསྟན་པ་ཡིས།། ཡེ་ཤེས་སྒྲོན་མ་ཡིན་པར་ཡིད་ཀྱང་ཆེས།། སྡེ་སྣོད་ཆོས་རྣམས་མན་ངག་ཀུན་ཀྱང་ནི།། འབྱུང་གནས་གཏན་ལ་འབེབས་པའི་ཆོས་ཡིན་པས།། བསྟན་པས་གོ་ཞིང་རྟོགས་པར
29a2 འགྱུར་བའི་ཕྱིར།། ཀུན་གྱི་སྤྱི་འགྲེལ་ཡིན་པར་ཡིད་ཀྱང་ཆེས།། དྲང་དོན་བློ་འབྲིང་ཆོས་ཀྱི་རྣམ་གྲངས་ཀྱི།། རྒྱུ་འབྲས་ཐེག་པ་ཀུན་ལས་ཁྱད་འཕགས་ཕྱིར།། ཐེག་པའི་ཡང་རྩེ་ཡིན་པར་ཡིད་ཀྱང་ཆེས།། ངེས་དོན
29a3 སྙིང་པོ་མན་ངག་གསང་ཆེན་འདི།། དུས་གསུམ་སངས་རྒྱས་ཀུན་གྱི་ལམ་ཡིན་པས།། ངེས་དོན་ཆོས་སྐུ་རྟོགས་པས་ཆོག་པའི་ཕྱིར།། རྣམ་དག་ལམ་ཆེན་ཡིན་པར་ཡིད་ཀྱང་ཆེས།། ཀུན་གྱི་གཞི་མ་ཆོས་ཉིད་རང་བྱུང
29a4 བས།། འཁོར་འདས་གཉིས་ཀྱི་མ་རིག་དོན་ཆེན་འདི།། ཀུན་གྱི་རྩ་བ་ཡིན་པར་ཡིད་ཀྱང་ཆེས།། སེམས་ཅན་ཀུན་ལ་ཁྱབ་པའི་སྙིང་པོ་འདི།། ཐམས་ཅད་རང་ལས་བྱུང་བའི་ཡེ་ཤེས་ཏེ།། ལུང་ལྡན་བསྟན་པས་ཤེས
29a5 ཕྱིར་ངེས་པའི་དོན།། ངེས་པའི་སངས་རྒྱས་ཡིན་པར་ཡིད་ཀྱང་ཆེས།། ཡེ་ནས་གནས་པའི་ཆོས་ཉིད་སྙིང་པོ་འདི།། སྣང་བ་མེད་པར་ཀུན་ལ་ཁྱབ་པའི་ཕྱིར།། རྩོལ་མེད་དང་དུ་རྩོལ་བ་འདུས་པས་ན།། ཆོས་སྐུ་བརྡལ
29a6 བ་ཡིན་པར་ཡིད་ཀྱང་ཆེས།། རང་བྱུང་ངོ་བོ་ཉིད་སྐུ་ཡེ་གནས་ལ།། གཅིག་དང་དུ་མར་བགྲང་དུ་མེད་པ་སྟེ།། གཅིག་ཤེས་པས་ནི་ཆོག་པའི་དོན་ཡིན་ཕྱིར།། ཐིག་ལེ་ཉག་གཅིག་ཡིན་པར་ཡིད་ཀྱང་ཆེས།། རང་ལ
iiif viewer powered by OpenSeadragon
