| e-texts navigator |
| Wylie |
295b1 གི་རྣམ་པ་ཡོངས་ཀྱི་མེད།། རྣལ་འབྱོར་བྱ་བྲལ་ནམ་མཁར་གནས།། མ་བྱུང་མ་སྐྱེས་སྙིང་པོ་ལ།། སྒྲོ་བཏགས་ཆོས་ཀུན་ག་ལ་ཡོད།། ཅི་སྟེ་ལམ་ལ་བགྲོད་གྱུར་ན།། ནམ་མཁའི་མཐའ་བཞིན་ཐུག་པ་མེད།། ཅེས
295b2 གསུངས་སོ།། ཉི་ཟླ་འབར་བའི་རྒྱུད་ལས། སྠི་ཏི་ཡོ་ག་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། མཚན་དང་གཏད་རྒྱ་ཇི་ལྟར
295b3 ལགས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སྙིང་པོ་མིང་མེད་མིང་དང་བྲལ།། ཡན་ལག་རྩལ་གྱི་རིག་པས་མིང་བཏགས་པ།། དུས་གསུམ་སངས་རྒྱས་གསང་བའི་བཅུད་ཕྱུང་བས།། སྙིང་པོ
295b4 བཅུད་སྤུངས་ཐིག་ལེ་འདུས་པའི་རྒྱུད།། ཐུགས་ཀྱི་ཡང་སྙིང་དགོངས་པའི་བཅུད་འདུས་པས།། སངས་རྒྱས་ཀུན་གྱི་དགོངས་པ་འདུས་པའི་རྒྱུད།། བཀའ་རྒྱུད་ཀུན་གྱི་ཡང་སྙིང་བཅུད་དྲིལ་བ།། དོན་གྱི་བཅུད
295b5 དྲིལ་ཐིག་ལེ་གསང་བའི་རྒྱུད།། བསྐལ་པ་སྟོང་དུ་བསགས་པའི་མུན་པ་རྣམས།། རིན་ཆེན་ཉི་ཟླས་སེལ་བས་ཉི་ཟླ་འབར།། ཐེག་པ་སྤྱི་འགྲེལ་སྤྱི་ཏི་ཡོ་གའི་རྒྱུད།། ཆོས་སྒོ་བརྒྱད་ཁྲི་བཞི་སྟོང་གཉའ་གཅོག
295b6 པས།། རྫོགས་ཆེན་རྒྱལ་པོ་སྠི་ཏི་ཡོ་གར་ཟུང་།། ཐེག་པ་རྣམས་ཀྱི་དགུ་རྩེ་སྤྲི་རྒྱལ་འདི།། བློ་ཆེ་བློ་ཡངས་བློ་ཟབ་བློ་རྣོ་བ།། དད་མོས་བརྩོན་ལྡན་མ་ཆགས་སེར་སྣ་མེད།། ཉོན་མོངས་ཆུང་ཞིང་བྱང་ཆུབ་སྒྲུབ་ལ
iiif viewer powered by OpenSeadragon
