| e-texts navigator |
| Wylie |
294b1 པས།། ཨ་ནུའི་ལྟ་བ་ཡོངས་སུ་རྫོགས།། སྣང་བ་སྐུ་ཡི་དཀྱིལ་འཁོར་རྫོགས།། གྲག་པ་གསུང་གི་དཀྱིལ་འཁོར་རྫོགས།། དྲན་རྟོག་ཐུགས་ཀྱི་དཀྱིལ་འཁོར་རྫོགས།། འཁོར་འདས་སྐུ་གསུང་ཐུགས་སུ
294b2 རྫོགས།། ཐམས་ཅད་ཡོངས་རྫོགས་རྫོགས་པ་ཆེ།། འཇུག་སྒོ་ཕྲིན་ལས་དཀྱིལ་འཁོར་དབང་དམ་རྫོགས།། ལྷ་བསྐྱེད་སྤྱན་འདྲེན་འཛབ་དང་གཏོར་མ་རྫོགས།། གཤེགས་གསོལ་སྨོན་ལམ་རྒྱས་འདེབས་ཐམས་ཅད
294b3 རྫོགས།། ལྷ་སྒོམ་སྤྱོད་འབྲས་སྐུ་དང་ཡེ་ཤེས་རྫོགས།། ས་ལམ་ཡེ་ཤེས་ཕྲ་རགས་མན་ངག་རྫོགས།། རྒྱུད་ལུང་མན་ངག་དམ་ཚིག་སྡོམ་པ་རྫོགས།། ལམ་ལྔ་ས་བཅུ་ཕ་རོལ་ཕྱིན་བཅུ་རྫོགས།། ཐམས་ཅད་རྫོགས
294b4 པའི་སྠི་ཏི་ཡོ་ག་ཡིན།། ལྷག་མ་མེད་པར་ཡོངས་སུ་རྫོགས།། འགྱུ་བ་མ་ཡིན་དྲང་པོར་རྫོགས།། ཞེས་གསུངས་སོ།། ཉི་ཟླ་འབར་བའི་རྒྱུད་ལས། རྫོགས་ལུགས་བསྟན་པའི་ལེའུ་སྟེ་བཅུ་གཅིག་པའོ།། །། སྭ་ཏི
294b5 ཨ་ཏི་སརྦ་རཱ་ཙ་ཧྲི་ཏི་བྷོ་ཡ། དེ་ནས་རྡོ་རྗེ་སེམས་དཔའ་ཡིས།། དགུ་རྩེ་སྤྱི་རྒྱལ་སྠི་ཏི་རུ།། ཐམས་ཅད་ཡོངས་རྫོགས་ཇི་ལྟར་ལགས།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། ཨ་ས་སོ་ཏ་ཏི།། ཧྲྀ་ད་ཡ།
294b6 ཞེས་བྱ་སྟེ། མཁའ་དབྱིངས་རྣམ་དག་ཀུན་འབྱུང་ཀློང་ཡངས་ནས།། དགག་བསྒྲུབ་གཉིས་མེད་རང་གྲོལ་ཟང་ཐལ་བས།། སྣང་སྲིད་འཁོར་འདས་བཏགས་ཆགས་ཆོས་རྣམས་རྫོགས།། དངོས་མེད་མཚོན་དང་བྲལ
iiif viewer powered by OpenSeadragon
