| e-texts navigator |
| Wylie |
293b1 ལ་ཆོངས།། སྐྱེ་འགག་འགྱུར་མེད་ཀློང་དཀྱིལ་དུ།། བྱར་མེད་བདེ་ཆེན་དབྱིངས་སུ་ཉོལ།། གཡོ་རྩོལ་འཕོ་འགྱུར་མེད་པར་མནལ།། ཞེས་གསུངས་སོ།། ཉི་ཟླ་འབར་བའི་རྒྱུད་ལས། གསང་སྔགས་བརྡའི་ལེའུ་སྟེ་བཅུ
293b2 པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། ཐེག་པའི་སྤྱི་ཕུད་སྤྱི་ཏི་རུ།། ཐེག་དགུ་སྣང་སྲིད་ཇི་ལྟར་རྫོགས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། རྡོ
293b3 རྗེ་སེམས་དཔའ་ནམ་མཁའ་ཆེ།། ཀུན་བཟང་ཡངས་པ་རྣམ་དག་སྙིང་པོའི་ཀློང་།། མི་སྐྱེ་མི་འགག་སྙིང་པོ་རང་སར་གྲོལ།། རྫོགས་དང་མ་རྫོགས་གཞི་ལ་གཉིས་མེད་ཀྱང་།། རྩལ་ཟེར་ཡན་ལག་ཆོས་རྣམས་རྫོགས
293b4 ལུགས་ནི།། འཇིག་རྟེན་པ་དང་འཇིག་རྟེན་འདས།། འཇིག་རྟེན་ས་ལ་གཉིས་ཏེ་སྐྱེ་བོ་དང་།། གྲུབ་མཐའ་ལོག་པའི་ཕྱི་རོལ་མུ་སྟེགས་པའོ།། འདས་པའི་ཐེག་པ་རིམ་པ་དགུ།། མཁའ་ཀློང་རྣམ་དག་སྙིང་པོ་བཅུད
293b5 སྤངས་སུ།། རྩལ་ཟེར་འགག་མེད་ཆོས་རྣམས་ཡོངས་རྫོགས་ཏེ།། གཞི་གནས་རང་དངས་རང་སངས་སོ།། བདེ་ཆེན་མི་རྟོག་རང་སངས་པས།། གཟུང་འཛིན་དྲི་མེད་དགག་བསྒྲུབ་མེད།། གསལ་དག་མ་གཡོས་ག
293b6 དེང་དང་ལྡན།། སྣང་བ་ཆེན་པོ་གསལ་བ་ཡིན།། མུ་སྟེགས་ཆད་པའི་ལྟ་བ་རྫོགས།། དུས་གསུམ་འཕོ་འགྱུར་མེད་པར་གནས།། རྟག་པའི་ལྟ་བ་མ་ལུས་རྫོགས།། འདས་པའི་ཐེག་པ་དགུ་ཡི་རྫོགས་ལུགས་ནི།། ཡུལ
iiif viewer powered by OpenSeadragon
