| e-texts navigator |
| Wylie |
293a1 བཤད།། སྔོན་ཐོག་སྐྱེ་མེད་གཏན་གཞིའི་གནས།། རྒྱལ་ཡུལ་ཆོས་ཉིད་ཡངས་པ་ན།། ཁྲི་རྗེ་ཡང་གསལ་སྤྱི་ཕུད་བཞུགས།། བློན་འཁོར་བསམ་མི་ཁྱབ་ཀྱིས་བསྐོར།། རྒྱལ་སྲིད་ཡོངས་ལ་མངའ་ཡང
293a2 མཛད།། འདོད་པའི་ལོངས་སྤྱོད་བསམ་མི་ཁྱབ།། རིན་ཆེན་ཀུན་འབྱུང་ལྷ་ཁང་ན།། རང་བྱུང་དང་དངས་ཡེ་གསལ་བཞུགས།། གསལ་དག་སྤྲོས་གཅོད་འཁོར་གྱིས་བསྐོར།། ཞིང་ཁམས་ཡོངས་ལ་མངའ་ཡང
293a3 མཛད།། ཆོས་ཉིད་ལོངས་སྤྱོད་ཟད་མི་སྲིད།། སྣང་མེད་མུན་པའི་སྨག་རུམ་ན།། རྒན་མོ་རྨོངས་པ་གསལ་མེད་གནས།། མུན་པའི་ཐོ་ཡོར་འཁོར་གྱིས་བསྐོར།། དམུས་ལོང་ཤེས་མེད་མངའ་ཡང་མཛད།། སྣང་གསུམ
293a4 ཆུ་བཞིའི་འཁོར་བར་འཁྱམས།། བརྒྱད་ཁྲི་བཞི་སྟོང་འཁོར་ལོངས་སྤྱོད།། ཀུན་འབྱུང་སྤྱི་སའི་ལྡུམ་ར་ན།། བསམ་འཕེལ་ནོར་བུ་རིན་ཆེན་ཡོད།། ཅི་འདོད་ལོངས་སྤྱོད་དེ་ལས་འབྱུང་།། ནོར་དེ་ཐོབ་ན་ཅི་བསམ
293a5 འགྲུབ།། ནོར་དེ་ཐོབ་པར་འདོད་པ་ལ།། རང་བྱུང་ཡེ་ཤེས་དང་དངས་ཀྱིས།། ཁྱུང་ལ་ཞོན་ནས་རལ་གྲི་ཐོགས།། སྲ་བའི་གོ་ཆ་ལུས་ལ་གོན།། མི་འཇིགས་པ་ཡི་མིག་ཕྱེ་ལ།། མི་ཡི་ནོར་བུ་རིན་ཆེན་ལ།། རང་བྱུང
293a6 རིག་ཡིད་དྲན་སེམས་བློ།། ཐོལ་བྱུང་ངང་དངས་རིན་དུ་བཅོལ།། བསམ་འཕེལ་ནོར་བུ་ཐོབ་པར་གྱིས།། སྤྲོས་གཅོད་རང་གྲོལ་རྒྱ་ཡིས་ཐོབ།། ཡང་སྙིང་བདུད་རྩིའི་བཅུད་ཅིག་འཐུང་།། བཅུད་འཐུང་ཡང་སྙིང་ཐུགས
iiif viewer powered by OpenSeadragon
