| e-texts navigator |
| Wylie |
292a1 མེད།། སྙིང་པོའི་ཀློང་ནས་རྩལ་བུ་རྣམས།། བྱུང་ཡང་སྣ་ཚོགས་མ་ལ་ཐིམ།། མ་བུ་ངོ་སྤྲོད་ཡེ་སངས་རྒྱས།། འཁྲུལ་དང་མ་འཁྲུལ་ཡེ་ནས་མེད།། རྟོགས་དང་མ་རྟོགས་བློ་ཡི་ཡུལ།། ལྷ་སྒོམ་སྤྱོད་འབྲས
292a2 བློ་ཡིན་པས།། བློ་ཉིད་མ་ཟད་བར་དུ་ནི།། ཇི་ལྟར་བསྒྲུབ་ཀྱང་རྩོལ་བའི་གནད།། རྩོལ་བའི་སེམས་ལ་བྱང་ཆུབ་མེད།། ཅེས་གསུངས་སོ།། ཉི་ཟླ་འབར་བའི་རྒྱུད་ལས། ཡང་རབ་རྣམས་ལ་བསྟན་པའི་ལེའུ་སྟེ
292a3 བརྒྱད་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། རྩོལ་བའི་བསྒྲུབ་ཆོས་མ་ཡིན་པའི།། བྱར་མེད་རྩོལ་བྲལ་བཀའ་སྩོལ་ཅིག། ཅེས་ཞུས་པ་དང་། སྟོན་པས་འཁོར
292a4 ལ་བཀའ་སྩལ་པ།། བྱར་མེད་རྩོལ་བྲལ་ངས་བསྟན་གྱིས།། རྡོ་རྗེ་སེམས་དཔས་ཡིད་ལ་ཟུང་།། བསྒྲུབ་མེད་རྩོལ་བསྒྲུབ་སྨོན་པ་མེད་པ་ཡི།། བྱར་མེད་ལྷུན་རྫོགས་སྔ་མ་དེ་ཉིད་དོན།། བྱ་བྲལ་ནམ་མཁའ་ཇི་བཞིན
292a5 ཏེ།། རྩོལ་བསྒྲུབ་བྱ་བཙལ་ག་ལ་ཡོད།། གསལ་དག་ཡེ་ཤེས་དགོངས་པ་འདི།། རང་བྱུང་དང་དང་ས་འོད་གསལ་ཡིན།། བཏང་ངོ་བཞག་གོ་རང་བཞིན་དེ།། བླང་དོར་བྲོད་པ་བསྐྱེད་མི་བྱ།། མངོན་སུམ་མི་སྣང་རྒྱབ
292a6 ནས་འབྱུང་།། ཕྲ་ཞིང་ཤེས་དཀའི་ཆོས་འདི་ནི།། རྣམ་པར་མི་རྟོག་རྟོག་ལས་འདས།། སྐུ་གཅིག་ཀུན་ཏུ་ཁྱབ་པས་བསྣན་པའི་ཆོས་མེད་དེ།། སེམས་དང་ཆོས་ནི་ཅི་ཡང་མ་ཡིན་པས།། གཞན་ལ་འདི་འདྲ་ཞེས་ནི།
iiif viewer powered by OpenSeadragon
