| e-texts navigator |
| Wylie |
291b1 ཤིག་དགོས།། བྱས་པའི་ཆོས་ནི་འདུས་བྱས་ཡིན།། མ་བྱས་རང་བྱུང་ཆོས་ཤིག་དགོས།། བསྒྲུབ་པའི་ཆོས་རྣམས་རྩོལ་བསྒྲུབ་ཡིན།། རྩོལ་བསྒྲུབ་ཆོས་ནི་ཡིད་སྨོན་ཡིན།། དམིགས་མེད་བསམ་འདས་ཆོས་ཤིག།
291b2 དགོས།། ཞེས་གསུངས་སོ།། ཉི་ཟླ་འབར་བའི་རྒྱུད་ལས། ཐེག་པའི་རྩེ་རྒྱལ་སྠི་ཏི་བཤད་པའི་ལེའུ་སྟེ་བདུན་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། ཡང་རབ
291b3 རྣམས་ལ་ཇི་ལྟར་བཤད།། ཅེས་ཞུས་པ་དང་། སྟོན་པས་འཁོར་ལ་འདི་སྐད་གསུངས།། སྙིང་པོ་ཀ་དག་རང་བཞིན་ལ།། སྐྱེ་དང་འགག་པ་གཉིས་མེད་ཀྱང་།། གསུང་གི་སྒྲོན་མ་རབ་གསལ་བ།། ཡང་རབ་རྣམས་ལ
291b4 བསྟན་པ་ནི།། གླེང་བྲལ་འདི་ལ་གནས་པ་ནི།། རྣལ་འབྱོར་ཡང་རབ་སྐལ་བ་བཟང་།། བདག་དང་གཞན་དོན་མི་འབྱེད་ཅིང་།། སྒྱུ་མ་ལྷུན་གྲུབ་ཡུལ་ལ་རོལ།། རཏྣ་དྷརྨ་སརྦ་དྷཱ་ཏུ་ཨ་སི་ཐིམ། རིན་ཆེན་ཆོས
291b5 རྣམས་ཐམས་ཅད་ཀུན།། དབྱིངས་སུ་འདུས་པའི་ལྷ་ཁང་ན།། འགྲུ་བ་སེམས་ཀྱི་རྟ་ཕོ་ལ།། རང་བྱུང་དང་དངས་མི་ཞོན་ནས།། སྒོ་ལྔ་རྣམ་དག་ལམ་དུ་བྱུང་།། སྣང་སྲིད་རང་གྲོལ་ཟང་ལ་རྒྱུག། དབྱེ་བསལ་མེད་པའི
291b6 དགོངས་པར་གནས།། ཀུན་འབྱུང་ཀློང་ཡངས་ལྷ་ཁང་དུ།། སེམས་ཅན་སྤྱི་མེས་རིག་པའི་རྒྱལ།། སྣང་སྲིད་བསྐྱེད་ཀྱང་འཕེལ་འགྲིབ་མེད།། ནམ་མཁའ་འདི་ལས་ཆོ་འཕྲུལ་རྣམས།། ནམ་མཁའི་ངང་ལས་གཡོས་པ
iiif viewer powered by OpenSeadragon
