| e-texts navigator |
| Wylie |
291a1 ཡིས།། ཀུན་བཟང་ཉིད་ལ་འདི་སྐད་ཞུས།། ཐེག་པའི་རྒྱལ་པོ་ཇི་ལྟར་བཤད།། ཅེས་ཞུས་པ་དང་། སྟོན་པས་འཁོར་ལ་བསྟན་པའི་ཕྱིར། མཚོན་བརྗོད་དང་བྲལ་བའི་ཏིང་ངེ་འཛིན་ལ་སྙོམས་པར
291a2 ཞུགས་སོ།། དེ་ལས་བཞེངས་ནས་འདི་སྐད་གསུངས།། ཐེག་རྒྱལ་རྫོགས་ཆེན་སྤྱི་ཏི་འདི།། ནམ་མཁའ་སྟོང་པའི་དཔེས་མཚོན་ནས།། མཐའ་དབུས་ཕྱོགས་རིས་མེད་པར་བཤད།། ཉི་མ་ཟླ་བའི་དཔེས་མཚོན
291a3 ནས།། སྣང་སྲིད་ཐམས་ཅད་གསལ་བར་བཤད།། བྱ་རྒྱལ་ཁྱུང་གི་དཔེས་མཚོན་ནས།། ཐེག་དམན་ཟིལ་གྱིས་གནོན་ཏེ་བཤད།། ཚངས་པའི་འབྲུག་སྒྲའི་དཔེས་མཚོན་ནས།། ཀུན་བསྒྲགས་གོ་ཞིང་གསལ་བར
291a4 བཤད།། མཚོན་ཆའི་འཁོར་ལོའི་དཔེས་མཚོན་ནས།། འཁྲུལ་སྣང་སྤྲོས་པ་བཅད་དེ་བཤད།། མུན་ཁུང་སྒྲོན་མེའི་དཔེས་མཚོན་ནས།། དོན་གྱི་གསེར་དང་སྤྲད་དེ་བཤད།། ཉི་མའི་སྙིང་པོའི་དཔེས་མཚོན་ནས།། ཡང
291a5 གསང་བཅུད་ཀྱི་སྙིང་པོ་བསྟན།། གསེར་འགྱུར་རྩི་ཡི་དཔེས་མཚོན་ནས།། མ་སྤངས་རང་སར་གྲོལ་བར་བཤད།། སྟག་མོའི་རྔམ་སྟབས་དཔེས་མཚོན་ནས།། དཀྱུས་ཀྱི་ས་རྣམས་གཅད་པར་བྱ།། རུས་སྦལ་ནུར
291a6 འགྲོས་དཔེས་མཚོན་ནས།། ཚིག་གིས་འབྲུ་རྣམས་ཞིབ་ཏུ་གཉེར།། བཤད་པའི་ཆོས་རྣམས་ཐ་སྙད་ཡིན།། མ་བཤད་གོ་བའི་ཆོས་ཤིག་དགོས།། བློས་བཏགས་ཆོས་ནི་རྟོག་ཚོགས་ཡིན།། བློ་ལས་འདས་པའི་ཆོས
iiif viewer powered by OpenSeadragon
