| e-texts navigator |
| Wylie |
290b1 སྐྱོབ་པའི་གསང་སྔགས་ཡིན།། སྐྱེ་མེད་སྙིང་པོ་བཅུད་འདུས་ཀློང་།། བྱར་མེད་ཐ་སྙད་ཀུན་ལས་གྲོལ།། སྙིང་པོ་ཆོས་ཉིད་ཀློང་དཀྱིལ་ན།། ཀ་དག་རང་བྱུང་དང་དངས་བཞུགས།། ཕྱི་གྲོལ་ནང་དག་ཡིད་གཉིས
290b2 བརླག། རྣམ་དག་སྙིང་པོ་མ་ཡི་ཀློང་།། དངོས་འཛིན་རྟོག་པའི་མཐའ་རྣམས་གཅོད།། མ་འགགས་འོད་གསལ་རང་སངས་པས།། གཏི་མུག་ཆད་མཐའ་རྣམས་སྤྲོས་གཅོད།། དེ་ཡིས་གཟུང་བྱའི་ཆོས་ལས་སྐྱོབ།། ཀུན
290b3 གཞི་སྟོང་གསལ་ཆོས་ཉིད་ཀློང་།། རྩིས་གདབ་དྲན་རྟོག་ཡིད་ལས་འདས།། དེ་ཡིས་འཛིན་པའི་སྐྱོན་ལས་སྐྱོབ།། ཡིད་གཉིས་རྩད་ཆོད་གཟུང་འཛིན་མེད།། གཟུང་འཛིན་ལས་སྐྱོབ་གསང་སྔགས་ཡིན།། རིག་གསུམ
290b4 འཆང་བ་གསང་སྔགས་འཆང་།། གསང་སྔགས་ལས་བྱུང་ཡི་གེ་མེད།། མིང་ཙམ་འདི་ཞེས་བསྟན་པ་ནི།། ཀུན་ཏུ་བཟང་པོས་མཚོན་དུ་མེད།། ངོས་བཟུང་མེད་པས་གསང་བ་ཡིན།། གསལ་ཞིང་ཁྱབ་པས་སྔགས་པ
290b5 ཡིན།། དངོས་པོ་ཡེ་མེད་གསང་བ་ཡིན།། མཚན་མ་སྣ་ཚོགས་སྔགས་པ་ཡིན།། གསལ་བའི་སྙིང་པོ་བཅུད་འདུས་ཡིན།། སྔགས་པ་རང་གསལ་འོད་གསལ་ཡིན།། དོན་ནི་གཉིས་འཛིན་སྤྲོས་པ་ཆོད།། གསང་སྔགས
290b6 ངོ་བོ་དེ་ལྟར་ཡིན།། ངོ་བོ་རང་འབར་ཀུན་གསལ་གདངས།། ཞེས་གསུངས་སོ།། ཉི་ཟླ་འབར་བའི་རྒྱུད་ལས། གསང་སྔགས་དོན་གྱི་ངོ་བོ་བསྟན་པའི་ལེའུ་སྟེ་དྲུག་པའོ།། །། དེ་ནས་རྡོ་རྗེ་སེམས་དཔའ
iiif viewer powered by OpenSeadragon
