| e-texts navigator |
| Wylie |
28b1 ག་ནི།། གྲངས་དང་དུས་ལ་མི་ལྟོས་རང་བྱུང་ཐུགས།། ཆོས་སྐུ་ཇི་བཞིན་མ་ནོར་རྟོགས་པ་ཡིས།། འབྲས་བུ་སངས་རྒྱས་སྐུ་གསུམ་དུས་གཅིག་རྫོགས།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད
28b2 ལས། ཐེག་དགུའི་འབྲས་བུ་བསྟན་པའི་ལེའུ་སྟེ་སོ་བདུན་པའོ།། །། དེ་ནས་འདུས་པའི་འཁོར་གྱི་སེམས་དཔའ་ལ།། སྟོན་པ་ཀུན་རིག་ཆོས་ཀྱི་རྗེ་བོ་ཡིས།། རྩོལ་མེད་ངང་དུ་ཡིད་ཆེས་བཀའ་སྩོལ་པ།། མ
28b3 བཅོས་རྣལ་དུ་བཞག་པ་ཆེན་པོ་དེར།། ཐེག་དམན་རྩོལ་བསྒྲུབ་མ་ལུས་ཀུན་འདུས་ཏེ།། ཕ་རོལ་ཕྱིན་བཅུ་གསང་སྔགས་ཕྲིན་ལས་མ་ལུས་ཀུན།། བྱས་པ་མེད་པར་ཆོས་ཉིད་ངང་དུ་རྫོགས།། ཇི་ལྟར་སྣང་བའི་ཆོས
28b4 ཅན་ཆོས་ཉིད་ཀུན།། རྩོལ་བ་མ་བྱས་བྱང་ཆུབ་མི་འགྱུར་དབྱིངས།། མི་སྣང་བ་ལ་མངོན་དུ་འབྱིན་ནུས་ཕྱིར།། ཆོས་ཀྱི་སྙིང་པོ་ཡིན་པར་ཡིད་ཀྱང་ཆེས།། ཡེ་ནས་གནས་པའི་རང་བྱུང་སྙིང་པོ་འདི།། རྒྱུ་ལས་མ་བྱུང
28b5 རང་བྱུང་རྐྱེན་གྱིས་མ་བསྐྱེད་པས།། རྩོལ་བ་གང་ཡང་བྱེད་དོ་ཆོས་སྐུ་རུ།། རང་བྱུང་ཡེ་ཤེས་ཡིན་པར་ཡིད་ཀྱང་ཆེས།། གཞན་ལས་མ་བཙལ་རང་ལས་རྙེད་པའི་ཕྱིར།། གཉེན་པོས་མ་བསྐྱེད་རང་བཞིན་གནས་པས
28b6 ན།། ལུས་ངག་ཆེད་དུ་རྩོལ་བ་མེད་པས་ན།། མ་བཙལ་ལྷུན་གྱིས་གྲུབ་པར་ཡིད་ཀྱང་ཆེས།། ཕྱི་ནང་ཐེག་པ་མ་ལུས་བཀའ་ཡི་དོན།། ཆོས་རྣམས་ཐམས་ཅད་གཏན་ལ་འབེབས་པའི་ཕྱིར།། རྩོལ་བས་རྩོལ་མེད་དོན
iiif viewer powered by OpenSeadragon
