| e-texts navigator |
| Wylie |
289b1 སྤྲུལ་པའི་སྐུ་འཆང་བ།། ཕྱོགས་བཅུར་སྤྲུལ་པ་སྣ་ཚོགས་འགྱེད།། སྤྲུལ་པའི་སྐུ་སྟེ་སྐུ་ཡི་མཆོག། ལུས་ཀུན་ལས་ནི་རྣམ་པར་གྲོལ།། གྲོལ་པ་ཐར་པ་རྣམ་གྲོལ་ལུས།། རྣམ་གྲོལ་ཞི་བ་ཞི་བ་ཉིད།། མྱ་ངན་འདས་པ་མྱ
289b2 ངན་འདས།། ཐེག་པ་སྣ་ཚོགས་ཐབས་ཚུལ་གྱིས།། འགྲོ་བའི་དོན་ལ་རྟོགས་པ་པོ།། ཐེག་པ་དགུ་ཡི་ངེས་འབྱུང་ལ།། སངས་རྒྱས་སྐུ་ཡི་བསྟན་པ་གཅིག། ཐེག་པ་དགུ་རྩེ་སྤྱི་ཏི་ཡིན།། དོན་གཅིག་གཉིས་མེད་ཆོས་ཀྱི
289b3 དོན།། དམ་པའི་དོན་དེ་འཇིག་པ་མེད།། མི་གཡོ་རབ་ཏུ་དངས་པའི་བདག། རྣམ་པར་དག་པ་བདག་མེད་ཆོས།། ཡང་དག་ཡེ་ཤེས་དང་དངས་གསལ།། ཆོས་ཉིད་རྣམ་ཤེས་ཡུལ་ལས་འདས།། སྐྱེ་འགག་དམིགས
289b4 པའི་མཐའ་ལས་གྲོལ།། ཤེས་རབ་ཆེན་པོས་སྐད་ཅིག་ལ།། ཆོས་ཀུན་མངོན་པར་རྟོགས་པ་པོ།། སྐྱེ་མེད་ཆོས་ཏེ་སྣ་ཚོགས་དོན།། ཐེག་པ་གཅིག་གི་འབྲས་བུར་གནས།། ཉོན་མོངས་ཁམས་རྣམས་དག་པའི
289b5 བདག། ལས་ཀྱི་ཁམས་རྣམས་ཟད་པར་བྱེད།། ཆུ་བོ་རྒྱ་མཚོ་ཀུན་ལས་བརྒལ།། ཐུབ་པ་བློ་མཆོག་འབྱུང་པོ་སེལ།། ནོར་བ་ཐམས་ཅད་རྣམ་པར་སྤངས།། གསུམ་རིག་གཙང་མ་དག་པ་ཡིན།། གྲུབ་མཐའ་མཐར
289b6 ཕྱིན་འཁྲུལ་པ་མེད།། བྱ་བ་བྱས་པ་སྐམ་སར་གནས།། ཐུབ་པ་མེད་པ་དཔེ་མེད་པ།། ཆགས་བྲལ་ལུས་ལས་འདས་པ་པོ།། རིན་ཆེན་ལྔ་ཡི་དཀྱིལ་འཁོར་དུ།། འོད་ཟེར་སྣ་ཚོགས་འཐིམ་པའི་ཐབས།། སྟོང་ཉིད
iiif viewer powered by OpenSeadragon
