| e-texts navigator |
| Wylie |
289a1 ཤེས་ཀུན་གྲོལ་དགོངས་པ་ཤར།། རང་བཞིན་ངོ་བོ་ཐུགས་རྗེ་ལས།། སྐུ་གསུང་ཐུགས་ཀྱི་ངོ་བོར་རྟོགས།། དུག་གསུམ་ཉོན་མོངས་རྩད་ནས་བཅད།། ཕྱི་རོལ་ནང་དག་འཛིན་པ་བརླག། ངང་དངས
289a2 གསལ་དག་དགོངས་པར་གནས།། བསམ་དུག་དངོས་མེད་ལྷ་ཁང་དུ་ཕྱིན་པས།། བསམ་འཕེལ་གྱི་ནོར་བུ་རིན་པོ་ཆེ་རྙེད་ནས། དགོས་འདོད་ཐམས་ཅད་དེ་ལས་བྱུང་བས། སྣ་ཚོགས་བསམ་བྲལ་གྱི་ཐུགས་རང་ལ
289a3 ཤར་རོ།། ཞེས་གསུངས་སོ།། ཉི་ཟླ་འབར་བའི་རྒྱུད་ལས། འཁྲུལ་སྣང་རྩད་ནས་གཅོད་པའི་ལེའུ་སྟེ་བཞི་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་དེ་ལ་འདི་སྐད་ཞུས།། འཁྲུལ་ཆོད་རྟོགས་པའི
289a4 འབྲས་བུ་གང་།། ཞེས་ཞུས་པ་དང་། དེ་ནས་སྟོན་པ་ཀུན་བཟང་དེ། འོད་ཟེར་སྤྲོས་པ་ཡོངས་སུ་གཅོད་པའི་ཏིང་ངེ་འཛིན་ལ་བཞུགས་སོ།། བཞེངས་ནས་འཁོར་ལ་བཀའ་སྩལ་པ།། འཁྲུལ་པ་ལོག་ཐོབ་འབྲས་བུ
289a5 ནི།། ངེས་འབྱུང་གསུམ་པོ་སྐུ་གསུམ་ཐོབ།། མཆོག་གི་དང་པོ་སྐུ་གསུམ་འཆང་།། རང་བཞིན་ངོ་བོ་ཐུགས་རྗེ་ལས།། སངས་རྒྱས་སྐུ་ལྔའི་བདག་ཉིད་ཅན།། དོན་གསུམ་ཐེ་ཚོམ་མེད་པའི་བློ།། ཀུན་དོན་ཡོན་ཏན
289a6 གསུམ་གྱི་བདག། ཡང་དག་ངེས་པའི་ལུང་དུ་ཟུང་།། གཟུགས་མེད་གཟུགས་བཟང་དམ་པ་སྟེ།། ལུས་མེད་ལུས་ཏེ་ལུས་ཀྱི་མཆོག། ཡེ་ནས་སྐྱེ་མེད་ཆོས་ཀྱི་སྐུ།། རྩལ་ཟེར་འགག་མེད་ལོངས་སྤྱོད་སྐུ།། ཐུགས་རྗེ
iiif viewer powered by OpenSeadragon
