| e-texts navigator |
| Wylie |
288b1 སྡུག་བསྔལ་བྱང་ཆུབ་སེམས།། མ་བརྟགས་བཞག་པས་རྣམ་པར་གྲོལ།། དེ་ལས་བསྐྱོད་པ་མེད་བཞིན་དུ།། ནམ་མཁའི་མཐའ་ལྟར་མཉམ་པར་གནས།། དེ་བཞིན་རྟོགས་པའི་ཤེས་རབ་ཀྱིས།། མངོན་སུམ་མེད་པ
288b2 རང་ལས་བྱུང་།། ཕྱི་ནང་གཉིས་ཀ་ཕྱི་ཉིད་དང་།། ཟབ་མོ་ཆ་ཤས་རྟོགས་ཡུལ་མེད།། སྣང་སྲིད་མིང་ཙམ་ལོག་པའི་སྟོངས།། དེ་བས་ཏིང་འཛིན་མཉམ་དང་བྲལ།། དེ་ལ་ཐ་ཚིག་ཕྱི་དང་ནང་།། རང་བཞིན་ཕུང་པོ
288b3 ཁམས་ལྟར་གནས།། དུས་གསུམ་འདི་དང་མི་འབྲལ་བས།། ཐ་ཚིག་མིང་དུ་བཏགས་པ་མེད།། མི་ལེན་པས་ན་བདག་མེད་ཅིང་།། མི་འདོར་ཚིག་བྲལ་མཉམ་ཉིད་དོ།། ངོ་མཚར་རྨད་བྱུང་རོལ་པ་འདི།། གནས་པར
288b4 བྱ་བའི་མིང་མེད་དེ།། བྱ་བྲལ་ནམ་མཁའ་ཇི་བཞིན་པས།། ཅི་ཡང་མི་དམིགས་གཏི་མུག་པས།། དེ་མ་ཐག་ཏུ་རང་ལས་བྱུང་།། འདི་ནི་ཐམས་ཅད་མཚུངས་པའི་ལམ།། འགྲོ་བ་ཀུན་ལ་རང་བཞིན་གནས།། ཡེ་ཤེས
288b5 ཆེན་པོ་སྐད་ཅིག་གིས།། ཆོས་ཀུན་ཁོང་དུ་ཆུད་པ་པོ།། གདོད་ནས་དག་པ་ཆོས་ཀྱི་སྐུ།། ཡེ་ནས་གྲུབ་པས་བཙལ་མི་བྱ།། བསམ་དུ་མེད་དེ་ཡེ་སངས་རྒྱས།། བསྒོམ་དུ་མེད་དེ་དམིགས་དང་བྲལ།། རིག་ཡིད་སེམས
288b6 མེད་དྲན་རྟོག་སངས།། ངང་དངས་ཡེ་ཤེས་ཉི་ཤར་བས།། མ་རིག་སྒོ་ངའི་སྦུབས་ནས་ཐོན།། མ་རིག་འཁོར་བའི་མུན་སངས་ནས།། སྲིད་པའི་དྲ་བ་འཇོམས་པ་ཡིན།། འཁྲུལ་སྣང་མ་ལུས་རྩད་ནས་གཅོད།། གཅིག
iiif viewer powered by OpenSeadragon
