| e-texts navigator |
| Wylie |
288a1 ལྟར་བཅད།། ཅེས་ཞུས་པ་དང་། དེ་ནས་སྟོན་པ་ཀུན་བཟང་དེ་འོད་སྣ་ཚོགས་རང་ལ་ཐིམ་པའི་ཏིང་ངེ་འཛིན་ལ་ཞུགས་སོ།། དེ་ལས་བཞེངས་ནས་འཁོར་ལ་འདི་སྐད་གསུངས།། ནམ་མཁའ་ལས་བྱུང
288a2 རང་བྱུང་བ།། ཤེས་རབ་ཡེ་ཤེས་མེ་བོ་ཆེ།། འགྲོ་བའི་མར་མེ་ཡེ་ཤེས་སྒྲོན།། གཟི་བརྗིད་ཕུང་པོ་འོད་གསལ་འབར།། ཤེས་རབ་རལ་གྲིས་འཁྲུལ་སྣང་གཅོད།། དུས་ཤེས་སེམས་ཅན་དབང་པོ་ཤེས།། ཕུང་པོ་ལྔ་དོན
288a3 དུས་གསུམ་དུ།། སྐད་ཅིག་ཐམས་ཅད་བྱེ་བྲག་ཕྱེད།། སྡུག་བསྔལ་གསུམ་གྱི་སྡུག་བསྔལ་ཞི།། སྒྲིབ་པ་ཀུན་ལས་ངེས་པར་གྲོལ།། དུས་གསུམ་དུས་མེད་རྟོགས་པ་པོ།། རྣམ་གྲོལ་གསུམ་ལ་མཁས་པ་པོ།། གསུམ
288a4 སེལ་མཐའ་ཡས་གྲོལ་གསུམ་ཐོབ།། བདག་གིར་མི་འཛིན་ངར་མི་འཛིན།། རྣམ་པར་དག་པ་བདག་མེད་ཆོས།། ཡང་དག་བདག་མེད་དེ་བཞིན་ཉིད།། རྣམ་པར་རྟོག་མེད་ལྷུན་གྱིས་གྲུབ།། བག་ཆགས་བཅས་པ
288a5 གཏན་སྤངས་པ།། ཉོན་མོངས་དྲི་མ་ཀུན་ལས་འདས།། ལུས་ཀུན་ལས་ནི་རྣམ་པར་གྲོལ།། ནམ་མཁའི་ལམ་ལ་རབ་གནས་པ།། ཡིད་བཞིན་ནོར་བུ་ཆེན་པོ་འཆང་།། དུས་གསུམ་དུས་མེད་རྟོག་པ་པོ།། དོན་རྣམས
288a6 ཇི་བཞིན་མི་བསྐྱེད་དེ།། བྱ་བ་བྱེད་པ་གྲོལ་བ་གྲོལ།། རང་བྱུང་ཡེ་ཤེས་བཙལ་མེད་པས།། གྲོལ་ནས་གྲོལ་བའི་ལམ་ཡང་སྟོན།། སྣང་བ་མེད་པའི་ཆོས་ཉིད་འདི།། མ་བཙལ་བཞག་པས་གྲུབ་པ་ཡིན།། འགྲོ་བའི
iiif viewer powered by OpenSeadragon
