| e-texts navigator |
| Wylie |
287b1 གཟུགས་ཅན་ཡིད་ལས་སྐྱེས།། རྣམ་རིག་སྣ་ཚོགས་གཟུགས་དོན་ཅན།། གཟུགས་རྣམས་ཐམས་ཅད་སྣང་བའི་དཔལ།། གཟུགས་རྣམས་མ་ལུས་འཆང་བ་པོ།། རྣམ་ཤེས་སྣ་ཚོགས་རྒྱུད་དོན་ལྡན།། བདག་རིག
287b2 གཞན་རིག་ཐམས་ཅད་པ།། སྣ་ཚོགས་གཟུགས་ཅན་བྱེད་པ་པོ།། ཉོན་མོངས་པས་ནི་སེམས་འཁྲུགས་པས།། ཡེ་ཤེས་འཁོར་བའི་འདམ་དུ་བྱིང་།། མ་རིག་སྒོ་ངའི་སྦུབས་ཆུད་པས།། འགྱུ་བ་རླུང་གིས་རྒྱུ་བྱས
287b3 ནས།། སྒྲིབ་གཡོགས་མུན་པས་བར་བཅད་དེ།། མུན་པའི་འཁོར་ལོ་རྐྱེན་དུ་བྱུང་།། ཡེ་དོན་མ་ཤེས་དོན་མ་རིག། ངོ་བོ་རང་བཞིན་ཐུགས་རྗེ་ལས།། རིག་པ་ཡིད་འགྱུས་སེམས་སུ་འཁྲུལ།། ཡིད་འཁོར་གསུམ་གྱིས
287b4 དྲ་བར་འཐུམས།། མ་ངེས་ཁ་དོག་འཇའ་ཚོན་ལས།། རིགས་ཀྱི་ཁྱད་པར་མངོན་པར་སྣང་།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ཕྲག་དོག་ཚུལ་དུ་འཁྲུལ།། འགྲོ་བའི་སྡུག་བསྔལ་ཟད་མེད
287b5 མྱོང་།། སྨིག་ཐག་ཐོག་ཞི་དེ་ལས་སུ།། ཆུ་སྦྲུལ་མི་འཁྲུལ་དཔེ་ཡིས་མཚོན།། སྣ་ཚོགས་ལུས་དང་གནས་ལ་སོགས།། བདག་དང་བདག་གིར་སོ་སོར་བཟུང་།། རྨི་ལམ་ཚུལ་དུ་སྡུག་བསྔལ་མྱོང་།། སྣང་སྲིད་སྐྱེ་འགུལ
287b6 དེ་ལྟར་འཁྲུལ།། ཞེས་གསུངས་སོ།། ཉི་ཟླ་འབར་བའི་རྒྱུད་ལས། མ་རྟོགས་འཁྲུལ་པའི་ལེའུ་སྟེ་གསུམ་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་སླར་ཞུས་པ།། འཁྲུལ་པ་རྩད་ནས་ཇི
iiif viewer powered by OpenSeadragon
