| e-texts navigator |
| Wylie |
287a1 མེད་ལུས་ཏེ་ལུས་ཀྱི་མཆོག། དང་པོའི་སངས་རྒྱས་རྒྱུ་མེད་པ།། ཡེ་ཤེས་མིག་གཅིག་དྲི་མ་མེད།། ཡེ་ཤེས་ལྡན་པ་ཡོད་མེད་ཤེས།། རྣམ་པ་ཀུན་ལྡན་རྣམ་པ་མེད།། མི་མངོན་མི་གནས་གསལ་བྱ
287a2 མིན།། མི་འགྱུར་ཀུན་འགྲོ་ཁྱབ་པ་པོ།། ནམ་མཁའི་མཐའ་ལ་ལོངས་སྤྱོད་པ།། ཐམས་ཅད་བསྐྱེད་པའི་གཞི་མ་ཡིན།། ཀུན་གཞི་མཉམ་ཉིད་ཡིན་པ་ལ།། ཕྱོགས་སུ་བལྟས་པས་གྲུབ་པ་མེད།། སངས་རྒྱས་ཐོག་མ་ཐ
287a3 མ་མེད།། ཡེ་ཤེས་ལུས་ཅན་དེ་བཞིན་གཤེགས།། ཆོས་དབྱིངས་དམ་པ་རྩང་མི་ཤེས།། སངས་རྒྱས་མེད་པས་མིང་ཡང་མེད།། སངས་རྒྱས་སྟོན་པས་མིང་བཏགས་ནོར།། རྣམ་པར་དག་པའི་ཆོས་ཉིད་དེ།། དཔེར་བྱ།
287a4 ཀུན་ལས་འདས་པ་པོ།། དངོས་པོའི་གནས་ལུགས་དེ་ལྟར་རོ།། ཞེས་གསུངས་སོ།། དངོས་པོའི་གཤིས་ཀྱི་གནས་ལུགས་བསྟན་པའི་ལེའུ་སྟེ་གཉིས་པའོ།། །། དེ་ནས་རྡོ་རྗེ་སེམས་དཔའ་ཡིས།། སྟོན་པ་ཀུན་ཏུ
287a5 བཟང་པོ་ལ།། མ་རྟོགས་སེམས་ཅན་ཇི་ལྟར་འཁྲུལ།། ཞེས་གསོལ་པ་དང་། དེ་ནས་སྟོན་པ་ཀུན་བཟང་དེས། རིན་པོ་ཆེ་འོད་འཕྲོ་འདུ་དང་འཕེལ་འགྲིབ་མེད་པའི་ཏིང་ངེ་འཛིན་ལ་བཞུགས་སོ།། དེ་ལས་བཞེངས
287a6 ནས་འཁོར་ལ་འདི་སྐད་གསུངས་སོ།། མ་རྟོགས་སེམས་ཅན་འཁྲུལ་ལུགས་ནི།། སྔོན་མེད་ཕྱིས་མེད་གདོད་ནས་དག། ནམ་མཁའི་བདག་པོས་སྣ་ཚོགས་སྟོན།། ནམ་མཁའི་མཐའ་ལས་རང་བྱུང་བ།། སྣ་ཚོགས
iiif viewer powered by OpenSeadragon
