| e-texts navigator |
| Wylie |
286a1 ང་རྒྱལ་རྣམ་དག་གི་འཁོར་དང་། འདོད་ཆགས་ཞེན་གཅོད་ཀྱི་འཁོར་དང་། ཕྲག་དོག་གསལ་དག་གི་འཁོར་རོ།། འདས་དང་མ་འོངས་ད་ལྟར་གྱིས།། ཐ་སྙད་མིང་ལ་མི་གནས་ཏེ།། དུས་གསུམ་གཅིག
286a2 སྟེ་ཁྱད་པར་མེད། དུས་ཕུན་སུམ་ཚོགས་པའོ།། མ་ཧཱ་ས་ས་མེ་རྦ་དུར་ཙ་ཙ། དྷརྨ་སང་ཀ་རི། ཐེག་པ་དགུ་རྩེ་སྠི་ཏི་ཡོ་ག་འདི།། བྱ་བཙལ་རྩོལ་བསྒྲུབ་མ་བྱས་པར།། ཀ་དག་ཡེ་སངས་རྒྱས་པར་བསྟན།། མ་བྱུང་མ
286a3 སྐྱེས་སྙིང་པོ་ལ།། སྒྲོ་བཏགས་ཆོས་ཀུན་ག་ལ་ཡོད།། མི་སྐྱེ་མི་འགག་སྙིང་པོའི་ཀློང་།། མ་ཕྱེ་མི་ཕྱེ་སྙིང་པོའི་བཅུད།། མ་མཚོན་མི་སྨྲ་ཐ་སྙད་མེད།། དམིགས་པའི་རྣམ་པ་ཀུན་དང་བྲལ།། སངས་རྒྱས་མེད་པས་ཡིད
286a4 སྨོན་མེད།། གདོད་ནས་དག་པ་ཆོས་ཀྱི་སྐུ།། བདེ་ཆེན་མི་རྟོག་འགྱུ་བ་བྲལ།། སྤྲོས་པ་ཟག་ཆོད་སྣང་བ་དག། རིག་པ་མི་དམིགས་ཡེ་ཤེས་གསལ།། དབང་པོ་རང་སྣང་རྒྱལ་བའི་ཐུགས།། འགྲོ་བ་ཀུན་ལ་རང་བཞིན
286a5 གནས།། མཐོང་བ་ལོག་པས་འཁྲུལ་མོད་ཀྱང་།། སངས་རྒྱས་དང་དངས་རང་སངས་རྒྱས།། ཞེས་གསུངས་སོ།། གླེང་གཞིའི་ལེའུ་སྟེ་དང་པོའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི
286a6 སྐད་ཞུས།། དངོས་པོ་ཇི་ལྟར་གནས་ལུགས་དང་།། མ་རྟོགས་རིགས་དྲུག་ཇི་ལྟར་འཁྲུལ་པ་དང་།། འཁྲུལ་པ་རྩད་ནས་ཇི་ལྟར་གཅད་པ་དང་།། རྟོགས་ནས་འབྲས་བུ་ཇི་ལྟར་འཐོབ་པ་དང་།། གསང་སྔགས་ངོ་བོ་ཇི
iiif viewer powered by OpenSeadragon
