| e-texts navigator |
| Wylie |
285b1 @། རྒྱ་གར་སྐད་དུ། ཙིཏྟ་པྲ་ཧྲྀ་ད་ཡཱ་ཤཱ་ཡ་སུ་ར་སུ་མུ་ད་ཡ་ཤུདྡྷ་གུ་བྷརྠ་སུ་ར་སཾ་ཧཱ་རཱ་པདྨ་ཏ་མཿཀྵིཔྟཱ་སཨཱརྱ་ཙནྡ་ཛ་ལ་ཏནྟྲ། བོད་སྐད་དུ། ཐུགས་ཀྱི་ཡང་སྙིང་དགོངས་པའི་བཅུད་འདུས་པ། བཀའ་རྒྱུད་རྣམས་ཀྱི
285b2 གསང་དོན་བཅུད་དྲིལ་བ་མ་རིག་མུན་སེལ་ཉི་ཟླ་འབར་བའི་རྒྱུད། ཡེ་གནས་ཐོག་མའི་སངས་རྒྱས་འོད་གསལ་དང་དང་ས་ལ་ཕྱག་འཚལ་ལོ།། འདི་སྐད་བདག་གིས་གོ་ཞིང་རྟོགས་པའི་དུས་གཅིག་ན། ཆོས་ཉིད་ཀྱི
285b3 ཀློསློང་དབྱིངས་ཀྱི་སྟོང་ར་ན། མཁའ་ཀློང་རྣམ་པར་དག་པའི་གནས།། འོད་སྣ་ཚོགས་གཅིག་ཏུ་འདུས་པ། རིན་པོ་ཆེ་སྤུངས་པ་རྣམ་པར་དག་པ་བསམ་གྱིས་མི་ཁྱབ་པའི་དཀྱིལ་འཁོར་རྒྱ་ཡོངས་སུ་མ་ཆད། ཕྱོགས
285b4 གང་དུ་ཡང་མ་ལྷུང་། སྒྲིབ་པ་མེད་པར་རང་བཞིན་གྱིས་འོད་གསལ་བ། དབྱིངས་རྣམ་པར་དག་པའི་མཁའ། སྣང་སྲིད་སྐྱེ་འགྲོ་ཐམས་ཅད་བསྡུས་པའི་གནས་དེ་ན། ཡེ་ཐོག་མའི་སངས་རྒྱས་འོད་མི་འགྱུར་བའི་རང
285b5 བཞིན། ཀུན་ཏུ་བཟང་པོ་ཞེས་བྱ་བ་བཞུགས་སོ།། དེའི་ཚེ་རང་བྱུང་གི་སྟོན་པའི་འཁོར་འདི་ལྟ་སྟེ། རྣམ་པར་དག་པ་བདེ་གསལ་འོད་ཁང་ན། རང་གསལ་སེམས་དཔའ་རྡོ་རྗེ་ལ། རང་བྱུང་གི་འཁོར་དང་། རང
285b6 གསལ་སེམས་ཀྱི་འཁོར་དང་། དྲན་རྟོག་བློའི་འཁོར་དང་། རྩལ་ཟེར་བུའི་འཁོར་འདི་ལྟ་སྟེ། འོད་གསལ་རིན་པོ་ཆེའི་དཀྱིལ་འཁོར་ན། དབྱེར་མེད་གཏི་མུག་དག་པའི་སྟོན་པ་ལ། ཞེ་སྡང་རང་བྱུང་གི་འཁོར་དང་།
iiif viewer powered by OpenSeadragon
